TigerMilkyDoughnut

我搬家了~~

2008-04-10T20:23:00.005+08:00

呢頭家有d冷清，不如大家到我另一頭住家坐下啦！多多包涵！ http://hk.myblog.yahoo.com/elaine-tigermilky

簡易好味正pizza

2008-04-07T00:47:00.006+08:00

一直都好想試整pizza，睇到樽樽謎上了Vaniliy的簡易pizza，所以我都去挑戰下有幾簡易好味至得！
整的過程比整包容易，餡的選擇就隨自己喜好，好快就有得食lu
我落0左莎樂美腸、番茄、菠蘿、磨菇同mozzarella^.^

我本來諗住pizza當晚餐，典知老爺急call食飯，打亂我個計劃添！唉，算啦，咪聽日至食啦，但係為食呔爸食完飯唔夠喉，要食宵夜，嘻，我初初諗住比一件佢過下口癮，典豬佢話好食，我地仲食下食下食晒成個pizza呀！肥c啦今次！
呔爸食評：(一定)無PizzaHut咁好食，但係好食過意粉屋好多！<--真係既？呵呵呵！以後要整多d！
鳴謝：樽樽&Vaniliy，你地間接幫我省0左好多叫pizza既$$

發花癲

2008-04-04T22:02:00.006+08:00

唏，我呔媽一年一度既發花癲病又病發啦，今年發病時間較去年遲，事關去年農曆年尾（即豬年呀！）去0左花墟諗住入下貨，但係d花（一盆盆果d）真係買唔落手呀！尋日我諗住去開買乾花擺設佈置公司，咪順便睇下d花囉，點知被我發現有好多唔錯既花花…
左：石竹
右：金魚花
我這種養花生手，目前只停留在買花的階段，請種花高手門多多包涵！

齊來做"冤動"

2008-04-03T13:31:00.003+08:00

呔爸（佢話佢）近來患上中年男人憂鬱症<--都唔知有無呢個病，anyway，我為0左增強大家身體及心靈健康，便建議若果晚上早返，我地就一齊"急步行"。一來keep住有運動，二來藉住運動所產生的「開心賀爾蒙」，會幫助0呔爸減低唔開心既感覺。而家我地都keep住一星期最少兩晚急步行，效果唔錯呢！
P.S.急步行--比跑步慢，但較步行快，有點像競步（個pat pat勁紐果種呢）。被認為能好好的鍛練心肺功能，而對比跑步，它對膝蓋的損害較少，所以很藉得大家做啊
另外我join返CF做gym，因為雖然我的健康好了很多，不過我的肢體協調仍差勁，很容易就會傷骨！而家跟教練練強d肌肉關節，嘻，遲d我就變做"she啦"

瀨哂野既藍梅批>.<

2008-03-31T21:50:00.003+08:00

我係一個好勤力既學生，尋日收到喵喵forward比我既食譜（特別鳴謝"呢舒"cat--Tendy），我今晚就即刻做啦！

But唔豬典解，d藍梅爆哂出呢！唉！好樣衰，好彩d味道仲靠得住0者>.<

甩甩的post

2008-03-31T00:10:00.004+08:00

冬甩休閒時的姿態很攪笑，尤其係隻左手，摺埋左好似隻企鵝手拱樣，見一次就想打一次！

有時又似一個"爛仔"！
呔爸覺得佢好似曼聯個朗尼，成個爛仔格！

烏龍王

2008-03-28T11:35:00.003+08:00

星期三呔爸出trip去Beijing，星期五晚至返。
唔知係咪唔夠，成日失失暈
一早趕住出門口，唔記得帶電話；唉...
返公司用鎖匙開locker，插住無返；再唉...
到夜晚趕住返屋企餵呔b佢地&等呔爸電話，返到屋企至記得無鎖匙，又無電話求救，只有問管理員姐姐借，wuwuwu....又唉...
好彩我個partner未走，佢好好人，特登"飛的"返屋企車再車去青衣站meet我，如果唔係，我諗我要12點至番到屋企
返到屋企是11點15分，我始終都miss呔爸個電話，唉唉唉...

反轉"寶慧"家園>.<

2008-03-24T23:09:00.014+08:00

之前因為新鋪開張及公司meeting撞期，我miss兩次cake友gathering。今次我本來都去唔到wai的家，好彩後來都排除萬難join到！今次雖然人數唔多，有主人家、喵喵、Tendy同我，但係一路係拱整食食，過得好充實呢！
左：3個傻妹正在預備整蝦多亞士
右：Tendy主理的藍莓批，差d唔記得搽蛋液>.<

左：本人近期至愛作品--西米布甸

右：我最討厭的莞茜，估下用呢做乜？

左：大刀擗麵包？

右：答案--用呢做蝦多士，放係上面方便我"了"走佢^﹒^ 蝦多士唔用油炸健康d又無咁熱氣

左：又有得食、又有得反既--金柚煎堆，好過隱既配搭

右：？都有薄膜喎！

好多野食既一天！多謝wai&wai佬既招呼！

父子2008@.@

2008-03-24T00:58:00.011+08:00

影片介紹：
從前有一個無良的爸爸，平日只會無所事事，暗地裡卻與黑社會有密切關係...

他時常捉弄自己的兒子... 純良的兒子為了要令父親改過，多次勸告之...
可惜不幸成為父親的發洩對象...

《本片獲提名最佳電影、片中小演員呔b獲提名最佳男配角及最佳新"人"獎》
呔b的真情演出獲得高度評價！

P.S.為0左報復呔爸唔守諾言帶我去食据扒，我特登寫呢篇抹黑佢，哼！

三貓過冬

2008-03-14T23:09:00.007+08:00

春天到了，係時候回顧一下3貓怎樣過冬（很可愛的！）
左：三件壽司^.^
右：霸王甩的頭頭<--欺負姐姐的証據；可憐的milky任甩魚肉T_T

左：與爸媽搶奪暖爐，3貓大獲全勝（呔B甩甩還扮無知樣！）
右：見到d貓貓這樣的睡姿，你還有意慾返工嗎？

下圖：甩甩好明顯是錫哥哥、蝦姐姐（又係隻腳腳）！

冬天過去了，要再見到3貓的溫馨場面，就要等大半年後囉。

近來作品

2008-03-14T22:01:00.003+08:00

因為工作很忙，上網的時間少了，整食食對我來說就更奢侈。不過太耐唔整食食難免有d心癢癢，終於都係重出江湖啦！

1. 甘露So，用藍藍的recipe。大粒的8個送比前副校生日，其他的送給舊同事。很鬆化呢！

2. 西米布丁（好似係蔡師奶的recipe）--我由細細個就中意食，我覺得食0左會有種好幸福的感覺！其實我想整好耐又唔知點解無整？！

食評：呔爸大讚，我諗我會再整呢！呢個食譜真無得頂，唔知點解蔡師奶唔想再整？

太后走了-_-

2008-03-13T17:13:00.003+08:00

近來少了上網，不知道Honey的囡囡太后娘娘病重。直至週三，Sugar姐姐告訴我太后走了...很
難過呀！
太后是一隻長毛貓（波斯貓），很有性格，常與Honey鬥法。最為人津津樂道的是太后與她契爺陳醫生的一段"情"。我第一次亦是唯一一次見到太后芳容是在去年12月大俠生日會後，我們在門外見到她快速閃過，感覺她不像十多歲的貓咪。估不到...
其實太后病了很久，全靠Honey的努力、太后的堅持和陳醫生的關心，才可多撐3年；現在太后再不用受病魔折磨，可能是好的；只是作為媽媽，那種不捨的情，真叫人心痛！
在此希望Honey保重；呀彩要生生性性，加上姐姐的份去愛錫媽媽！

令人齒冷的禽獸行為！

2008-03-07T17:23:00.003+08:00

請問政府幾時至認真做野呀？仲要慘死幾多無辜的貓貓才有所行動呢？!(怒)

流浪貓慘死亂棍下 10青少年被捕 (明報) 03月 06日星期四 05:05AM

【明報專訊】柴灣發生一宗令人齒冷的殺貓案。10名街童及青年昨凌晨聊天時，將一頭路過的流浪貓「黑妹」截停玩弄，但貓兒掉頭逃避騷擾，眾人卻起訌圍捕。其中兩名青年持木棍窮追猛打，貓兒逃入
冷巷走投無路，但棍如雨下，黑妹全身骨頭慘遭打斷，悲鳴聲滅，橫死坑渠。有街坊睹酷刑大怒報警。目擊者指出，警方趕至準備將殺貓十人幫拘捕時，有人仍在嘻笑。兩名舞棍青年被落案控告虐待動物，其餘7男1女獲准以500元保釋外出，其中包括一名13歲中二女生。
愛護動物協會發言人呼籲家長糾正子女的殘暴虐待動物傾向，否則青少年成長後的人格令人憂慮。該會其後派員接收黑妹屍體，稍後可能剖屍檢驗死因，全力協助警方調查案件。
2人控虐待動物 8男女保釋
經常在柴灣曉翠苑停車場後巷案發現場餵飼流浪貓的馬太說，慘被殘殺的貓兒為成年雌性，上半身黑色，下半身及腳部有部分白色，馬太早年發現牠後，曾將其帶往愛護動物協會進行絕育手術，又幫牠改名為「黑妹」。馬太說，黑妹從來不騷擾居民，且很乖非常怕人，一見到陌生人便躲入坑渠，最喜歡吃乾糧，故馬太每次將乾糧放在坑渠裏。黑妹慘遭橫手後，馬太非常痛心，嘆說：「以前也有貓兒在這裏被人分屍……真不明白那些人如此沒血性！」
港島東區刑事總督察周少棠表示，涉嫌虐待動物的9男1女年齡界乎13至25歲，暫未發現有人涉及黑社會，但部分人有犯罪案底，其中13歲少女正就讀中二，部分青年則失業。警方指出，他們全部是案發附近一帶的街坊，晚上不時落街聚集聊天玩樂。警方調查後，懷疑其中19歲姓梁及24歲姓謝青年帶頭揮棍殺貓，遂正式落案控告2人虐待動物罪名，本周五將於東區裁判法院提堂；其餘人等則獲准以每人500保釋外出，稍後須返警署報到。根據《防止殘酷對待動物（修訂）條例草案》，虐待動物者最高可被判罰款20萬，監禁3年。
被捕時有人仍在嘻笑起哄
警方表示，昨日凌晨1時許，10名涉案男女在上址附近聊天，黑妹剛巧路經上址，疑兇將其截停玩弄，貓兒驚慌掉頭左閃右避，豈料眾人竟起訌圍捕黑妹，其中2名青年拾起木棍窮追猛打，餘人則在旁吶喊。其間，黑妹慌亂逃入後巷坑渠，但不幸被疑匪追及睹截，舞亂棍活活打斷牠全身多處骨頭，伏屍坑渠中。有目擊者睹慘狀報警，又謂警方趕至將10人拘捕，有人仍在嘻笑起哄。

我已sent左信給那些官員，希望佢地今次認真處理！
呔B，媽媽真覺得你們很幸福！所以唔好再偷走啦，外面的世界是很危險的！

HighOne滑雪之旅--飲食篇

2008-02-10T23:55:00.002+08:00

眾所周知正宗韓國菜不太合香港人胃口，不過此行也有些例外的，尤其是菜很甜很新鮮。但總括來說，菜式太熱氣啦！

左：必有的烚下烚下
右：要申請至有的龜背燒，呔爸至愛的豬排生菜包

左：必有的人參雞煲
右：好味的魚子石頭鍋飯

左：火車上的便當，味道不錯！

右：火車上的自費紫菜卷，好味！<--呔爸至愛，1ooowon

左：非常真味的蜜瓜雪條，我雖不愛吃蜜瓜，也覺得味道非常似真蜜瓜，強烈推介！

右：古力味道不錯，可惜甜筒淋了，不脆-_-

左：肥美的秋刀魚及豬手

右：明洞大大支雪糕店，在街口，一支雪糕只售1000won，呔爸(藍衫者)在幫襯^.^

左：先吃綠茶味。已吃了2圈至記得影，呔爸數過，約有9個半圈@.@，超抵食！

右：encore古力+云呢拿。個sale哥哥明明較我矮，又要扮高，好搞笑！

HighOne滑雪之旅--滑雪篇

2008-02-09T23:58:00.000+08:00

地點：南韓HighOne滑雪場3天半+1天半首爾

時間：27/1-31/1(凌晨機去、晚機返)

行程：

Day1-3：HK-->首爾-->乘觀光火車到HighOne滑雪渡假村滑雪

Day4：上午於渡假村自由活動，下午乘觀光火車返首爾

Day5：買手信、明洞購物-->HK

事前準備：重量級滑雪裝備

不利因素：左腳第四跟腳趾受傷，行路也有點困難，不知能否滑雪，唉！

結果：

好好玩呀！

因滑雪鞋設計關係，保護了受傷的腳趾，而且滑雪是用腳力而非趾力，所以可以滑雪啦，yeah！

今次得到導遊指導如何不費力地轉彎，滑雪技術改善了不少(姿態很優美呢<--可惜沒有拍下)，不用花太大氣力也可由山頂滑下，總算是超額完成！

左：觀光火車（坐了4小時！）
右：滑雪場山腳，由山頂滑落呢的終點。後面係搭吊車上山

左：半山，我預備滑囉！

右：其中一個山頂，亦只是其中一個起點。山頂也有Beginner級的滑雪道，真好！

祝鼠年快樂^.^

2008-02-09T22:13:00.000+08:00

以前呔B和milky都試過變身，甩甩...當然不能幸免，hohoho......
祝各位鼠年身體健康、主恩永隆！

後記：本來想來一張3貓變身秀，但是仁慈的爸爸話呔B病病，心情不好，所以唔想搞佢；milky又係心情唔好(0下?!)，所以唯有要甩甩犧牲0下囉！

2008的第一件瘀事>.<

2008-01-21T15:32:00.000+08:00

日期：2008年1月19日
時間：晚上11:45
地點：黃宅
事發經過：與呔b有關，加上一道木門...其餘的，你地自己估@.@
e生評估：要睇多一晚，若無好轉，聽日要照x光-_-（拱典扇，星期日仲要去High One滑雪喎...）

左：巨腳趾
右：天殘腳

呔B的病情

2008-01-21T15:12:00.000+08:00

e生診斷呔b患有尿道炎，尿尿有結晶，膀胱發炎。結晶會刺激尿道，所以呔b至成日想尿尿，可憐的呔b一定很不舒服！
對付方法：要食處方糧，每日要食兩次藥。慘！兩樣難度都很高。食飯飯要分開佢地已令呔b很不安（幸好呔b不挑食），食藥要板開呔b的咀實在令人很難受呢！希望佢快d好番啦！
左：貓在旅途灑淚時
右：無心雞-_-，好彩有細佬陪住！

2008大合照

2008-01-06T23:26:00.001+08:00

喂，正所謂“一係就唔發市，一呢就3個post”問你怕未！hohoho...
3貓旱有地比面大合照^.^：

左圖--呔媽：兩位肥仔...cheerssssss！
右圖--冬甩：哥哥，有野睇！

左圖--呔媽：0拿，1，2，3...
右圖--冬甩：喂，哥哥，望鏡頭啊！(挺起胸膛狀)

左圖--(好得意呀！)

右圖--(原來我從未試過同3貓合照，wuwuwu...)

p.s. 今次唔打格仔啦，唉，是但啦！>.<

呔b08年中頭獎，唉！

2008-01-06T22:26:00.000+08:00

話說平安夜果晚，呔B嘔0左幾次，仲尿尿在廚房門口。我地以為呔b只係普通嘔吐，無乜大礙；點知尋日我發現呔b屙血尿，又好難至屙得出，於是今日即刻帶佢去睇e生。e生估計佢係尿道炎or膀胱炎（不出所料），打0左兩支針針同攞咗d藥藥，成謂420個大洋。星期三返去覆診同埋要帶呔b果d尿尿去化驗。希望一齊順利啦！
呔b好乖乖，睇e生都好合作，抵錫！其實我知佢好辛苦，wuwuwu...呔b，你真係一個乖孩子！

08'新年目標

2008-01-01T17:42:00.000+08:00

2007對我呢講實在係有太大轉變，好希望今年能夠好好發展，唔好浪費時間，做出一點成績，令關心我既人唔洗擔心！^.^
於是要學吓人定目標，等多d人鞭策吓我至得！--
1. 事業有成，向著藍鑽進發！（在這以先，我必須要突破自己一d唔理想的性格：負面思想、懶惰等）
2. 帶爸媽去旅行（上半年：台灣；事業有成：去美加）<--不過都要老豆身體affort到至得！
3. 完成新娘化妝course<--呢樣相對容易
4. 再進修營養學<--depend on有無時間
5. 好好靈修<--呢個最有挑戰性
6. 完成最少3個聖經學院的課程<--已經有兩個了！
7. 努力做運動：太極、家居低B提腿運動是不夠帶氧量的，希望最少隔日早上再做gym鍛煉一下!

加油呀！

Happy 2008!!!! ^.^

2008-01-01T17:30:00.000+08:00

Happy New Year!!!今年要為目標努力啊！
3貓向大家祝賀！
呔B：祝大家家肥屋潤！
Milky：祝大家有好覺豬！
冬甩：祝大家生生猛猛！
呔媽：有d似拜年>.<

冬甩一歲大仔啦！

2007-12-01T00:16:00.000+08:00

冬甩果然係英短，岩岩一歲就好大隻仔！^.^

上：(四個月大的甩仔)
下： (一歲大的甩甩)
爸媽祝你生日快樂，身體健康，乖乖啊！

台灣之旅

2007-11-30T22:43:00.000+08:00

今次去台灣唔係玩"啊"<--台灣女仔好鍾意加"啊"在每句尾^.^距離上次到台灣已經有十年lu，今次去商業區果邊training，更覺得台灣變0左好多！不過好彩有Pamela趁少少空檔帶我地去食d地道野食，總算係有口福！

由左至右：

湯粄條、沙魚煙、米血糕(<--我無食呢個，因為用血整>.<)

擔仔麵、頭骨肉、魯肉飯

貢丸湯、??麵、（臨江街--地道野食集中地）

（江家--美味豆品店）、燒餅、栥飯

豆腐花（多多nuts）、著名珍珠奶茶

老豆入0左醫院（總結）

2007-11-19T16:34:00.000+08:00

19/11
爸爸今早全身抽筋，對眼反白，媽叫白車送佢去睇急症。我去到果時老豆已有返知覺，後等照完腦掃描報告。今次我很冷靜，進步0左，唔再好似上次0向條街樹喊，因為學識左諗野諗正面d。媽媽同妹妹都驚到喊，但今次我反過呢做安慰人果個，於是大家的心情都無差(唔係既話肯定會3個一齊大喊一場)
晚上，爸爸送了去ICU，因為e生怕佢再抽筋。同時，化驗結果顯示爸爸的血液中Sodium含量過低，懷疑佢飲水太多而中“水毒”。咁都得？！暫時仍未確定病因。
20/11
我去0左做LASIK，探唔到爸爸...
21/11
對眼唔舒服，探唔到爸爸。呀妹話爸爸精神好了很多，會同護士傾計。唔...會同人傾，情況應該好好...
22/11
爸爸轉返去普通房，好精神，不過有d發燒，唔出得院-_-
23/11
呔爸去0左越南，得我去探爸爸。除0左有d燒，樣樣都唔錯。e生發覺爸爸隻left knee腫0左，懷疑佢有細菌感染，抽0左d血去化驗。
24/11
仍然有d燒，但胃口唔錯。左腳仍然腫，e生話應該是痛風發作。初步估計Sodium低係因為抗抑鬱藥引致，於是停服。
25/11
我用Spa機幫爸爸碌雙腳，希望幫佢去d水腫。
26/11-28/11
我去台灣Training...
29/11
一早e生call我，話爸爸可以出院。好0野！爸爸精神好好，隻腳無腫（媽媽話我幫佢碌完腳第二日已消腫，嘩！Spa機真有效喎！）e生總結：Sodium低而引致爸爸抽筋，嚴重的會有生命危險（感謝主保守爸爸！）；另外，e生話可以減薄血藥份量，而家爸爸淨需要食兩粒藥咋^.^
今次係一個好好經歷神既工作，神除0左保守爸爸，亦保守我的心情，還意外地爸爸可以食少一點藥呢！很感恩！

新形象之一

2007-11-16T00:51:00.000+08:00

先同頭髮講bye-bye！即刻感覺爽哂^.^

Which cat is the cleverest???

2007-11-15T20:38:00.000+08:00

很驚人的答案....（答案在回應欄）
~~~~~~~~~~~~~~~~~~~~~~~~~~~~~~~~~~~
1)你打電話時，你的貓
a.覺得你是在跟他說話 b.玩弄電話或電話線
c.知道你並不是在跟他說話，然而看看你彷彿是在說「別聊了」 d.毫無反應

(2)他從電視螢幕上看到飛鳥
a.毫無反應 b.昏昏欲睡
c.看鳥飛過螢幕，便查看電視機前後，想搞清楚鳥飛哪去了 d.想「攻擊」鳥

(3)他躍上窗台或桌子時，對距離的判斷如何？
a.技巧嫻熟從不失手 b.通常不錯，只是偶而對高度的判斷有錯誤
c.不知道，因為他從來不往高處跳

(4)你帶他去看獸醫的表現如何？
a.善於領會，看見獸醫給他做V字型就知道該走開 b.僅在知道要動手術的時候才會表現恐慌
c.困惑不解，並不躲避 d.暴躁，獸醫一靠近就準備攻擊

(5)他們靠近門邊時，如果聽見外面有奇怪的聲響可能會
a.想出去看個究竟 b.待在原地，但密切注意聲響
c.更靠近門窗 d.害怕，找個地方躲起來

(6)當有陌生人來訪的時候，他
a.表現戒心很重或深具敵意 b.熱情歡迎訪客，想訪客摸他
c.看一眼就不再想理會訪客 d.如果訪客摸他會變得很友善

(7)如果你先餵其他的貓，後餵他，他會
a.不管其他貓，只吃自己那一份 b.衝過去吃其他貓的食物且儘量多吃
c.不僅搶其他貓的食物，還注意自己的碗不讓其他貓接近 d.有其的貓在場根本不吃

(8)如果門以關上，你的貓想出去，他會如何向你示意
a.輕輕抓門 b.坐在門邊不停叫喚
c.幾乎不需要你幫忙，因為他往往能自己打開 d.靜悄悄地坐在門邊等門自己開

(9)你如果同他玩耍，他的注意力平均能夠集中多少時間？
a.不超過5秒 b.可達10秒 c.約30秒 d.直到他覺得他贏了或你認輸

(10)你的貓如何對待家中垂懸物？
a.攻擊 b.用頭把那類物品甩來甩去 c.把那類物品打結 d.不理會

[將得分相加與等級表比較] [等級表]
(1) A=3 B=2 C=4 D=1 (2) A=2 B=1 C=4 D=3
(3) A=3 B=2 C=1 (4) A=4 B=2 C=1 D=3
(5) A=4 B=3 C=2 D=1 (6) A=3 B=2 C=4 D=1
(7) A=3 B=2 C=1 D=4 (8) A=2 B=3 C=4 D=1
(9) A=1 B=2 C=3 D=4 (10) A=3 B=2 C=4 D=1

10-11 蒙昧 12-17 偶而較聰明 18-24 中等
25-30 中等以上 31-37 很聰明

女士們請留意！

2007-11-12T23:20:00.000+08:00

近期醫護界鼓吹打防子宮頸癌疫苗 Gardasil ，請不要打！
由June06開始，已有超過 3461宗打了 Gardasil後的不良副反應，其中 8 個死亡，31個深切治療， 1385個需急症處理， 451個有長期後遺症， 51個殘廢。
只要於Google上打 Adverse Gardasil你便能找到很多這些資料，其中美國國家疫苗資訊中心 National Vaccine Information Center 也覺得 Gardasil不太安全。而藥廠公司 Mercks打算要求成為法例強行注射此疫苗，但因愈來愈多的副反應，已把給政府的議案暫時取消。
疫苗是藥廠其中最能賺錢的工具，請記住! 美國已有不少將疫苗如何賺錢和它們的危險性，且沒有用的網站和書可供參考，其中不少是由西醫寫的，絕對有公信力。其中一個最為人所知的西醫為 Dr Robert S Mendelsohn 。他和另外8個西醫合著一本書來指出西醫學的問題，很值得看： Dissent in Medicine-Nine Doctors Speak Out
疫苗，一支都不能打，只會害你一生!

貓咪的壽命

2007-11-12T15:52:00.000+08:00

之前同呀做、Honey等去牛皇打邊邊，好好食，而且唔貴，百5蚊就食到勁飽^.^
離開搭車時，Honey話有個貓友隻寶貝走了，是隻蘇短，很年青，只有6歲！後來知道蘇短都普遍短命！0下，唔係掛，咁Milky咪...跟住我問Honey：「咁係因為蘇短呢一種貓定係同個genes有關？」佢話係個genes既問題。wuwuwu...咁咪連呔b都...
返到屋企，我同2貓傾0左好耐。唉，6年實在短啦，而家佢地已經4歲，倒數兩年咪要分開，如果係咁，點算呀？一次兩隻喎？
我一早知道貓兒通常會比貓主人早死，但無諗過會咁快喎！我一定好唔捨得佢地！

笑一笑！

2007-10-25T21:19:00.000+08:00

某日看到這篇文章，笑c我Xp.......(但忘記了出處>.<)
<結婚前>往下看↓
男：太好了！我期盼的日子終於來臨了！我都等不及了！
女：我可以反悔嗎？
男：不，你甚至想都別想
女：你愛我嗎？
男：當然！
女：你會背叛我嗎？
男：不會，你怎麼會有這種想法？
女：你可以吻我一下嗎？
男：當然，決不可能只有一下！
女：你有可能打我嗎？
男：永遠不可能！
女：我能相信你嗎？
<結婚後>從下往上看↑

Hohohohoho............很抵死！

呔b4歲啦！

2007-10-08T00:26:00.000+08:00

三貓的反應--

Milky：0車，有乜野大不了0者！

Doughnut：哥哥最錫我，你收到既禮物...識做啦！

Tiger：你睇0下d貓幾現實>.<
P.S. 呔B呢排無乜心機，成日剩係識睡，有d擔心呢-_-

朱古力鬆餅

2007-10-07T23:50:00.000+08:00

呢款鬆餅好多cake友都整過啦，我都試0下整比好耐無見既中學同學。5個當中有3個已經做0左媽媽lu，好驚第時佢地剩係講仔女經，好彩仲有Marie，唔係都唔知典算！

食譜來自獨角仙http://hompy.netvigator.com/main/page/kin4430?catname=Pastry

Milky4歲啦！

2007-10-04T22:56:00.000+08:00

Happy birthday to Milky乖女！爸媽祝您身體健康，肥肥白白<--呢樣最緊要！

Milky: 點解我同媽媽都咁懶，但係都肥唔到呢？真離奇！

再戰包包

2007-10-04T22:38:00.000+08:00

曾經一度無哂整包包既信心，多謝咕嚕早前的指導，搵出問題的所在&換了酵母的牌子，今日終於獨力完成0左暫時最滿意的作品--德國啤酒包！ ^.^

肥美孖條

燕麥topping&胚芽topping，呔爸同我都覺得好好味，又軟熟，yummy!
呔爸聽日有早餐食啦！

開花啦！

2007-09-26T22:33:00.000+08:00

0都0都0都.......特別新聞報告：
中秋節當晚，呔媽如常淋花，竟然發現白天鵝....開花啦！（乜唔係5月至開花咩？）
翌日，立即拍底感人既一幕...

朶花好大，有d唔合比例，不過都好靚！

月餅大戰

2007-09-26T22:16:00.000+08:00

新屎坑狂做月餅，終於曲終人散了！幸好無人食0左肚屙0者
整月餅令我有好多回憶，諗番舖頭，每逢聞到月餅出爐d味，我都有d感觸，有d掛住呀嬤-_-
祝中秋節快樂！

月餅工房

2007-09-16T22:27:00.000+08:00

自從無0左舖頭，好耐都未試過睇住月餅出爐的機會了...
尋日cake友一行9人來我家，有喵喵、咕嚕、格仔餅、芙芙、wingwing、waiwai、大c、Tendy&企鵝。今次時間緊迫，一氣過學兩款月餅(廣式&冰皮)，仲要同wai99開神秘生日會，所以無乜時間比大家傾閒計，大家都好有心機做呢！

很累但很充實的一天，我想我再整^.^(廣式啦！)

為何又要騙我>.<

2007-09-14T17:05:00.000+08:00

滿心期待與你再相遇，終於等到了，卻換來又一次的失望...
其實你不需要更改你的外表，因我從來只著重內心；
怎麼沒想到沒見面一陣子，你不單外表變了，連內裡也變得太不像樣！
一番的熱情給一盆冷水灌熄了，真可悲....
為什麼要裝假呢，這是我最最討厭的
你還要騙我至何時呢？
........................................................................

.......................................................................

百佳(番薯)，我還應該再信任你嗎？

後記：諗住買d番薯煲糖水，無所謂乜野心(佢話係紫心)，只要好食就ok。點知得d皮係紫色，但味道簡直唔掂!!!!!!!!!屎百佳！

冬甩show time

2007-09-09T21:34:00.000+08:00

一夜發現冬甩百變既衰樣，忍唔住影多d^.^

呔媽：冬甩好有型喎！冬甩：唏，普普通通啦...

冬甩：呢個鋪屎ok嘛？呔媽：好，非常好！

冬甩：咁呢個鋪屎呢，夠殺食！呔媽：但係......見到粒鼻屎....(大笑)

冬甩：(怒啤)咁仲唔快d幫我抹0左佢！

"新"貓樹

2007-09-09T21:00:00.000+08:00

梳利梳利，唔記得post添，而家補番，有怪莫怪

在此特別鳴謝Helena幫我暫托呢棵貓樹，因為貓樹到日撞岩麥氏仲住0係我屋企，無位亦都無心機接新樹，唯有麻煩住得比較近既Helena啦！最後仲要佢幫我托個"舊"大箱上車(好鬼屎重0既)，真係感動流涕

睇0下貓地幾開心，值番哂^.^

試用報告：Milky最鍾意響上面瞓，tiger嫌佢熱，doughnut鐘意佢夠高，可以0係上面玩窗簾繩-_-

三貓之夏日睡姿

2007-09-04T00:49:00.000+08:00

炎炎夏日，你家的貓兒會用乜野姿勢睡覺豬呢？
請觀賞我家的大少公主不同睡姿...

望住佢地，真係乜野動力都消失哂>.<

冬甩去蛋記

2007-08-03T16:11:00.000+08:00

昨日係細佬去蛋大日子，可憐既甩甩禁食成晚，仲要受一連串驚嚇，我有點難受>.< 不過都係為佢好。 11:15到e務所，11:30檢查，發現甩甩尾尾上面果兩隻牙生得唔好，成日會咬到下牙肉，咬到生飛"知"<--最近佢d牙肉又矛樹啦，好彩！不過，由於甩甩d麻醉藥未過，竟然失禁！仲賴在我的褲子上。不過，佢都唔想既>.<
後記：細佬去蛋後依然愛搗蛋，不過好似嗲了我多一點！

冬甩八個月大啦!

2007-08-02T00:00:00.000+08:00

Sorry，呀甩，無得同你慶祝，今日仲要帶你去一處你唔想去既地方...
Doughnut：(大叫)點解要咁對我！

欲知後事如何，請看下回分解...

超三級@.@兒童不宜

2007-08-01T00:10:00.000+08:00

號外：冬甩貓仔細細，蛋蛋超巨型。現定於本月二日正式去蛋，歡迎慰問！

為何需要維他命?

2007-07-27T17:57:00.000+08:00

根據近日一份由營養評議會(Council for Responsible Nutrition, CRN)進行的硏究報告指出，大多數人並未能從日常飲食中攝取足夠營養素。硏究發現81％的受訪者同意均衡飲食對健康的重要性，但當中只有20%人士能每天奉行均衡飲食。此項硏究反映消費者對改善飲食習慣的意識逐漸提升，令營養補充品市場仍具有相當的發展潛力。

營養評議會科學及法規事務副總裁Andrew Shao博士認為：｢硏究清楚指出，大多數人知道自己並未能從日常飲食中，攝取符合建議攝取量之必須營養素。多種維他命可安全、方便及實惠地為你補充足夠營養素。當然，最佳的方法是結合均衡的飲食習慣，並同時服用多種維他命。｣是項硏究亦顯示市場對多種維他命及礦物質營養補充品具有更大的需求。

甩甩，媽媽無辦法唔咁做

2007-07-26T22:47:00.000+08:00

呔媽：甩甩，你大個仔啦，有d野唔可以逃避......快d同蛋蛋說再見...
甩甩：點解呀？

雖然甩甩未四處散尿，但開始打呔b，而且佢都就離八個月大，所以一於下星期帶佢去蛋蛋！

就快痴線@.@

2007-07-24T17:24:00.000+08:00

Dear all,請比d時間我發洩下
I'm going to be crazy。事源我家搬屋唔夠三日，老豆同呀媽為個孫嘈，呀妹又唔like老豆鬧佢個女而黑面，攪到老豆深夜十一點半離家出走，到零晨一點至嚟到我家。又唔帶手機，擔心死。
老公嬲爆，岩岩先至執好間屋嘛...都唔知我呀妹同呀媽點教細路
至於老豆，要等到同我地傾到成三點條氣至順番少少，wuwuwu....我瞓得2個鐘咋...今朝仲要晨早去書展，very tired..好怕呢d情況會繼續>.< 我諗我地就呢痴線

五週年...唔記得-_-

2007-07-23T16:33:00.001+08:00

前日係呔爸媽結婚五週年的日子，我要到尋日零晨至記得。有時好懷疑自己有無擁有一般女人的知覺，連咁重要嘅日子都唔記得
不過已經好過上年，我要到29號至發覺，嘻！
希望我哋倆個和三貓可以幸福地生活till the end！

甩難，呵呵呵！

2007-07-23T16:06:00.000+08:00

Yeah！麥家終於完成搬屋大計劃了！至於黃宅，經過呔爸和我的努力，亦回復整潔了（可是層樓老了十年，唉，千瘡百孔，wuwuwu...）Tiger、Milky&Doughnut亦有充足的活動空間喪跑^.^呔爸心情也好了很多。雖然新屋仍有不少問題，但已經唔係我理既範疇.....

甩甩教你做yoga

2007-07-17T22:12:00.000+08:00

大名頂頂既低溫yoga大師冬甩醒你一招半式：

手仔一定要掂到腳版至謂之正中，脷脷都要伸埋出泥 >.<！

六月生日之cake友會--後補

2007-07-17T21:49:00.000+08:00

太忙了，亦不易online，所以現在補番！

記得果時情緒低落，講d儍話，希望大家原諒！

禮物--很實用，但包包要等麥氏搬咗屋先整^.^ 喵喵的愛心蛋糕

多謝各位賞面，也祝同月生既Tendy&咕嚕身體健康！(照片由路人甲"BB"拍攝)

暫別--教鞭

2007-07-17T18:55:00.000+08:00

呔B：好嘢，媽媽陪我玩！
Milky：好嘢，媽媽陪我瞓！
甩甩：好嘢，有人陪我玩！

真是很累的一年，是時候休息一下了。橫豎想轉校，不如停一停、抖一抖，諗一諗之後的路。計劃是：1.修讀營養文憑（進行中，八月考公開試）；2.修讀國際美容師文憑（也是進行中，也是八月考公開試）3.調整與人與神的關係，多些關心有需要的人...很忙呢！

搬屋最新消息：希望20/7可搬新家，唉，終於捱完了！

甩甩--改壞名？？？

2007-06-20T21:36:00.000+08:00

上星期呔爸發現呀甩下巴無咗一忽毛，非常恐慌，唔通佢生癬！呀做覺得唔似，suggest我哋試program，順便當"道"蝨。隻药巧勁，第2日呀仔果忽肉肉結"焦"lu。而家矛樹啦，yeah！

P.S. 甩甩1/6日半歲大啦！大個B！

生日啦又！

2007-06-15T23:44:00.000+08:00

今年生日，同呔爸去小肥羊打邊邊，好味！(呔爸同我的差3日，但不同年)
無乜特別高興感覺，可能之前發生太多不開心的事。
呢一排覺得呔爸真係一位可靠既老公，有大事發生，要靠佢；靠我？屎梗！

Happy birthday to both of us!!!!

P.S. 冬甩長大了不少，近來在頸頸位置無咗忽毛，唔通佢...生嘢？經過呀做大夫網上診治，尋日試吓食program睇睇，今日神奇地生番少少毛毛-__-。

519貓友聚會

2007-05-27T21:03:00.000+08:00

甩甩：各位姨姨叔叔無懼大風雨，入泥探我呢！
呔b：佢地探我至真，我地已經好熟啦！果d魚柳呀、罐罐呀都係...
milky：都係我既，佢地想谷肥我啫，唔，有心有心，hohoho...

好多謝各位嘗面，有Grace、Yanyan、呀做、Sugar姐姐、Honey、Helena、BoBo(Surana)、第一次光臨既Pheobe、唔少得係幫貓貓影咗好多令令相既Edward伉儷。呀做真係唔話得，山長水遠、風大雨大攞咁大抽團購食食比我哋，好緊動呀！真係要唱隻"呀信的故事"比佢聽(雲與清風可以常擁有，關注共愛不可強求...) Honey佢地中哂水'tump'，半隻腳仲濕哂，要用風筒吹乾，襪襪仲濕到要放響門口添！

今次整咗古力cookies(未影已食哂lu)、藍莓益力多朱屎凍餅&萍果脆餅慰勞佢哋--

好多靚相呀(借Edward的)

更多令相http://www.fotop.net/edwardtsang/elaine
大收獲

後記：支支，等我下次探你再補番食食過你！(有無要介口呢？？)

家事繁忙

2007-05-26T23:49:00.000+08:00

好耐矛見啦^.^五月份除咗忙交最後一份功課及出考試卷外，就係忙往幫爸媽換樓。他們往的是沒有褸梯的唐樓，由於老豆隻腳常痛，走樓梯便很困難，所以便想換一層有電梯的樓。呔爸和我都很認同，諗住等佢地搬入嚟珀記d細單位住，點知我呀妹又話佢個女要跟婆婆，整整吓又話佢兩公婆又要一齊(其實老豆唔係幾想-_-)，一時又獅子開大口要住奥運站，一時又堅持要住800呎屋<--但佢又供唔起(因為我只會供Dad&Mum果份，唔會養佢成家)，總之好煩!By the way，最後都settle哂，我妹兩公婆決定唔會成日返去住，拱就唔洗買拱大層樓而呀妹又負擔得起。
終於都可以以理想價賣咗層唐樓，又以超值價買咗層好抵、唔洗補錢又ok既洋樓，今日仲訂埋傢俬，我真係要多謝呔爸的付出，事關呢d嘢真係好......煩！！
最開心係兩老都好滿意，老實講，層樓係佢地d老本，我好想幫佢地賺到盡，又改善到生活環境環。Thank God for He answered my prayer!

5.1聚聚

2007-05-03T21:58:00.000+08:00

嘻，又嚟大食薯間勒！今次人少少但份量(食物)卻唔細呢！

(左至右)

貓大c之出貓榮華水晶飽(綠色係海藻蓮蓉)+千層馬拉糕；

waiwai有事嚟唔到，不過都好有心托咕嚕送嚟香噴噴芝士飽

wingwing：自家製餃子+呔爸至愛的千層椰汁糕

多產咕嚕整咗3樣食食：意大利香草包、白菌糙飯焗釀芝麻雞(右：機機比喵喵同大c肢解咗，橙橙！) 、紅蔥牛油燴新薯 (好香呀!)

雖然人唔多，但傾得好開心^.^

希望樽樽同waiwai下次嚟到啦！

第一次~~上輝sir堂

2007-05-03T21:34:00.001+08:00

cake友Yumi邀請我報course，我一口答應了。除咗想見吓佢之外，仲有伴陪我去"一直想去又唔敢去"既輝sir樹學餅。

傳聞惡屎又寸爆既輝sir，典解變得客氣咗既？
今次學既係金萬利拔蘭地半圓球古力cake，有好香橙酒味，Yummy!!!

而且又可以學到古力做花花技巧，輝sir有讚我做得唔錯呢(輕描淡寫地)，嘩，好開心呢！仲識到QQ、Alice0209同埋Gloria，可惜無乜機會傾計，希望將來再有機會見啦！
特別嗚謝咕嚕的靚靚相^.^

邊個，究竟係邊個?

2007-05-01T00:02:00.000+08:00

4月一個月黑風高既晚上，傳嚟呔爸的慘叫聲。
呔爸：邊個係個雪豆枕樹屙尿！
(立刻帶嚟疑犯3名)
疑犯Tiger：吓？咩嘢話？
疑犯Milky：(怒)邊個衰貓整污槽我個心愛雪豆枕，wuwuwu...<---Milky與雪豆枕的瓜葛詳情請看"貓肉三文治"
疑犯Doughnut：....@@

法官呔爸：Milky可洗脫嫌疑，剩下呔b和冬甩。冬甩90%中，因為以前從未發生過類似案件。
法官呔媽：10%係呔b，因為之前曾見過佢抄個雪豆枕，莫非佢當咗d雪豆係貓沙???

後記：我洗雪豆枕洗到屎，仲要10世都唔乾
拿拿林入番d咕套，費事比佢地以為多咗個貓沙盤。

讀完書啦~~

2007-04-30T23:54:00.000+08:00

2007年4月30日，登登登！我終於完成PDES的課程啦，hohohoho.....
14號交完功課，嗚嗚嗚，咁就一片光明啦！
我諗我唔會再讀書！！！

mission impossible??

2007-04-12T01:50:00.000+08:00

呔媽：Doughnut...
Doughnut：係！
呔媽：你記唔記得你既任務呀？第一，要和兄姊友好，盡量同tiger哥哥玩，勞其筋骨，佢反到攰就唔會再蝦milky姐姐。
Doughnut：唔...
呔媽：第二，lum掂爸爸，佢至係真正既米飯班主。
Doughnut：唔...(zzz...)
呔媽：lum掂爸爸，我哋就有新貓樹、有福壽膏、有...(奸笑中)
[報告]Doughnut已不用隔離。呔b很少hee細佬，細佬有時仲撩哥哥反；milky就唔多理細佬，如果細佬行近咪hee佢囉。
好難捉住個衰仔--
Doughnut：(唔多老嚟)照夠味丫!!!

登！登！登！三少駕到~~

2007-04-10T15:16:00.000+08:00

Milky：喂！細路，你邊度架？

Doughnut：Hi，姐姐！My name is Doughnut！我06年12月1日出世，而家4個月多D lu...睇吓我幾肥美^.^

Milky：(作嘔中...)我乜都唔朱，唔好攪往我安眠！

Tiger：........(在鏡頭外怒啤勁hee..)

To be continue....

瑪格麗特小餅

2007-04-06T18:39:00.000+08:00

上次mommy聚聚，喵喵整咗波子既瑪格麗特小餅，真係好yummy!!!所以我都有樣學樣，試吓整。

comment：果然份量離奇少，要做2sets先至滿足到Sunday班蝗虫；&糖的份量可減10g！

貓肉三文治

2007-04-05T14:29:00.000+08:00

07年新到貓肉三文治，外層有軟熟既雪豆枕，內層有新鮮熱辣香噴噴既蘇格蘭摺耳貓肉，包你一試難忘！

全相--

正面--

後記：天氣又轉涼，隻女可以瞓響樹成日唔郁，搬個咕仲賴死唔走，真驚人！呔爸話都係唔入番個咕套lu-_-"！

去吧！合桃兵團^.^

2007-04-02T19:18:00.000+08:00

個心籮籮孿又想整合桃牛油蛋糕，整咗一半份量。今次學精啦，用蛋撻模同埋muffin盆承住，就唔怕d糕糕"滾瀉"啦!

無合桃既係呔爸既!

貓三昧

2007-03-31T18:46:00.000+08:00

作者用了15年完成這3本漫畫，每星期畫幾頁咋！佢收養好多隻貓咪，陪伴佢不少既貓都相繼去世(當然啦，15年喎！)，很難過啊...

好中意作者愛貓既情意結，佢欣賞貓咪的地方與我的很相似呢！好岩愛貓人仕睇架！

mommy再戰香江

2007-03-29T15:41:00.000+08:00

mommy又嚟啦！上星期六我哋又約埋一齊食lunch，除咗原有班底：咕嚕、喵喵、大C、企鵝、waiwai、主角mommy&daddy外，仲有tiger11& Yves呢！Tiger11係好媽媽，仲係"真正"既貓友，好親切呢，唔朱係咪我太嘈，嚇親佢>.<

戰利品：mommy--花生魚仔、cookie模&菠蘿酥<--全靠藍雨"nher"番呢咋!!(我都有份"nher"^.^)；大c--蛋糕仔加咗南瓜籽響面；喵喵--瑪格麗特餅+80%古力；Yves--班蘭香油

呵呵，有排嘆！

海下一日遊

2007-03-29T15:22:00.000+08:00

3月17日同好耐無見既弟兄姊妹去西貢海下觀賞靚靚大自然，同埋生猛海鮮BBQ！呔爸都有同行呢！

睇吓d風景，原來香港都仲有這麼清靜/潔的海灘，好peaceful！

紅樹林的生長在鹹淡水交界，生命力很強！

美味海鮮，初起火時火勢微弱，等食等到傻！

特別鳴謝當日病病仲帶我哋參觀既呀富，仲有腹大便便既Cally細心既安排。Thank you very much!!

借了Ramma的靚相:p，遲d請你食野補數！

薄荷與驅蚊草

2007-03-27T19:17:00.000+08:00

前一排買咗兩盆實用的植物：薄荷可用於煮食(甜品裝飾至真，我唔識煮野係好多人都知啦)；馬灣較多蚊，驅蚊草正是惹蚊的呔爸的救星<--但成效如何有待觀察。

點解佢博命長高？d莖仲軟軟？？

好書推介--布朗尼蛋糕店

2007-03-27T18:35:00.000+08:00

阿麗斯終於為布朗尼出書了！恭喜恭喜！內容其實與blog的大致相同：記錄了Brownie的趣怪事及與布爹布娘相處的溫卿場面。阿麗斯很懂拍貓兒跳躍飛天的照片，文字活潑生鬼，值得推介！閱讀這書，簡直不覺得布少已做了天使貓，完全感覺不到傷感，卻滿是甜蜜！
這書香港仍未有售，有興趣的朋友可到台灣買囉！(阿麗斯說遲些可能在香港也能買到)

後記：笨呔媽以為阿麗斯不懂廣東話，她的廣東話卻不知多流利呢！

各位可到Alice的blog看看http://www.wretch.cc/blog/alicebrownie

聲嘶力竭?!

2007-03-16T22:11:00.000+08:00

經過大半個學期與小human being既搏鬥，我的聲帶終於投降了！其實我識用丹田氣架，不過今年實在太勞氣，動咗真氣，唉.....聲帶起咗兩個"jum"！e生話要休息6個星期，唔可以再勞氣，工餘亦不宜多說話，吓？！拱咪要做啞女????
後記：(1) e生開咗成個星期假紙，可惜因為無得請代課，wuwuwu...唯有死頂！無謂累同事代課-__-"
(2)老豆做咗導管check心臟，未有下一步消息幾時做心瓣手術。keep praying for him.

合桃牛油蛋糕

2007-03-16T21:57:00.000+08:00

為咗聽日團契去海下旅行，我整咗兩款方便的食食：酸忌廉牛油蛋糕+合桃牛油蛋糕。我曾試過芝C喵喵的酸忌廉cake，濕濕哋又幾香架，最重要係d酸忌廉到期，唔用就徙咗(用成125g!!!)；至於合桃牛油蛋糕，有咕嚕同wingwing推介adaw既食譜，有信心保証呢！不過過程比一般牛油蛋糕多。唔知佢地中唔中意食呢？

小牽牛

2007-03-03T18:37:00.000+08:00

開花啦！開花啦！呢盆花可謂死過番生：中咗唔朱乜野病毒、呔爸撞跌個盆，反轉'cup'咗落地...憑着我對佢不離不棄&陳老師的幫助，而家已經開咗3朶花啦(仲有2個花蕾)！
小牽牛，奸爸爹！

初八做呀四&同事的birthday cake

2007-02-26T16:21:00.000+08:00

一連兩日我哋屋企都有客人拜年，尋日(25/2)就有呔爸d中學同學嚟。我趁佢哋未到就嗱嗱聲整個Charolette Aux Fraises預備比我個同事生日食。第一次整呢款cake，佢唔中意cheese&milk，希望d士多啤梨味遮到忌廉味啦！典豬買唔夠士多啤梨，唉.....攪到變晒樣，仲有魚膠唔多夠，好彩都"鯨"到&幾好味啫！下次可加到10g
另外成4點d men終於到咗，呔爸2話不說就叫我煎糕，真係當我係呀四丫??扇！好耐矛揸wak鏟，好彩d gogo買相ok啫！同埋佢哋巧中意我d曲奇，唔....拱又唔同!
後記：
1.聽日27/2又要返學-.-，四月快d嚟啦！
2.做完Agnes份功課，有成個星期做Max果份^.^
3.由於(2)的原固，星期三我可以去阿做佢哋個gathering
4.爸爸狀況穩定
5.我無修Bruce個module，所以嚟緊呢4個星期唔水返U ，史密夫果科係last module勒，就快讀完，yeah!!!
~~~~~真開心，要感恩！<--岩岩份poetry功課領悟到！

A day with my University fds

2007-02-24T23:29:00.000+08:00

人日個日約咗幾個U既同學，我預備咗幾款食食過佢哋嘆，！嘻

英式鹹鬆餅，米奇美妮曲奇，栗主兄&咕嚕版NY cheese cake。

話時話，呢隻cheese cake好味喎，唔太漏又滑。不過我矛用拱多cream cheese(成400g！@.@)。下次遇岩豬屎怪就用多d啦！

唏，我呢幾個fd巧婆仔，話咗唔好買嘢嚟，佢地就帶埋一袋2袋嚟。Grace呢盒cookies真係唔捨得食個盒巧高貴.... 罐罐又令令....

好開心過咗一個下午，呔爸仲話我哋傾到連lift口都聽到@.@梗係啦，我地果行d音波功力唔講得少！

不知不覺，本站開張一週年!

2007-02-22T22:15:00.000+08:00

原來2月11日是本站開張一週年，竟然忘記了！回想05年布朗尼的死，令我有設立自己的blog的想法，在此可以記下貓貓的生活記趣(貓貓的生命不長呢T____T)，將來便有些片段以作回憶；二來可記下自己生活點滴，亦是發洩一下的地方。
沒想過在虛疑世界中可以認識到朋友，有些還是好友呢！他們真的會關心我，私底下還會致電問候我，真感動(其實很多時粗心大意的我也不懂關心別人)！當然會有些表面很客氣，背後說我的人，活到今天，我當然知道有些人並非真心和你好，只是社交的一種吧，那有什麼關係，"I have nothing to lose"，幸好這只屬很少很少數吧！感謝父神，對我好的人還有很多^.^
今天生活在繁忙大都市的你，如果仍能有空來這兒逛逛，甚至曾經為不相干的我操心，那麼，我要在此向你說聲：多謝您，我的好友！

喂，赤口嚟拜年？！

2007-02-20T22:02:00.000+08:00

今日係豬年年初三，在此祝大家身心健康，一團和氣！
今日亦都係cake友wingwing既生日。一班cake友仲嚟咗我屋企拜年兼搞生日會！

後(左至右)：lalawin，咕嚕，利芙，大丸

前(左至右)：貓大C，waiwai，wingwing，喵喵，我

好開心，第一次有cake友賞面嚟寒舍，真係招呼唔到呀！今次有好多特色食食~~

1.要好有心機整既米紙卷by芙芙

2.拷麩&食香味美既糯米飯by lalawin

3.wai媽教路既糯米飯by waiwai

3.呔爸飽飽仍encore既馬蹄糕by喵喵--(見到喵佬的手指^.^)

4.個個都想偷食既萍果酥餅by咕嚕

5.古力cookies+皮脆好味既桃撻by大丸

6. 唔記得咗仲有大C個紅豆糕&桂花糕.....拱唯有....我食晒lu，hohohoho....7.唉，我呢個cake真係C過番生，多災多難架！P.S.今日仲收到芙芙既cookies(唔記得影已消滅了-_-'')+五代同堂，喵喵的gift! 多謝晒呀！！

我的小花園

2007-02-10T14:23:00.000+08:00

最近受到同事美陽同埋(真)貓友Angel，Grace&Edward的感染，漸漸愛上種花。由於以前種親野d結局都唔多好，所以初初再種花都巧緊張架，而家慢慢至放鬆d咋！
種花亦都可以減壓，又不費時，的確係減壓又一好方法！
1.暫時的收獲，右邊紅色係小鳳仙(學校攞)，d花生得好快又多!2.好抵買的富貴菊，噤大盆$25咋! 3.左2盆:報春花，右:又係學校攞返嚟既金戔花 4.想買好耐既長春藤

爸爸的病>.<

2007-02-10T13:43:00.000+08:00

唉，點解會咁架！
爸爸有一塊心瓣不能正常運作。去年心電圖顯示情況有點惡化跡象，於是4月時我便和爸爸去QE。果個朱姓的女e生看過d片後，實牙實齒咁話我老豆無樹，乜都唔洗做咁話，我仲特登再三問佢係咪真係乜都唔洗做，佢仲好似嫌我多事拱話：係！仲未衰到要做野，keep住check就ok勒！於是我成家咪鬆一大口氣囉！
典知上星期四老豆覆診時，個心臟科主管話老豆個心好唔掂，又話佢呢半年無中風算好彩，又問佢典解唔早d做手術.....吓，係你d同事講無樹喎?!我地信你哋d專業e生，但係你地咁唔專業架！啫係點呀？明明有事又話無事!!!!!!!!!嚇屎爸爸丫！
而家佢吔安排老爸驗呢樣驗果樣，3月15日做導管，遲d再做手術咁話...
希望爸爸無事啦！

22號cake友gathering

2007-01-28T17:50:00.000+08:00

因為mommy dearest嚟HK，一班cake友好難得仔仔一堂，攪到個酒樓鬼殺咁嘈，嘻！
唔少得既節目梗係交換食物同影相啦！果晚我食得好飽飽呢！！
大合照--後排左至右: Bees，我，愛蓮，mommy，喵喵，企鵝
前排左至右：tendy，mabel，wingwing，咕嚕，貓大c

後記：mommy果然是一個好nice既人，好後生呢(有乜可能有一對咁大既仔女???)。有咁多cake友出席就知佢人緣好好！仲有，學藍雨話齋，佢果然係pink lady^3^! --mommy，I miss u，希望快d再見到您！

戰利品^3^

mommy：鳳梨卷，花生魚仔，candy模一大盒
Mabel：精裝鳳梨酥
Tendy：五味cookies
Wingwing：椰汁千層糕+自製紙模整成既蜂蜜蛋糕
大c：桂花糕
愛蓮：雙味muffin
~~d食食我當兩日早餐食，美味！

我家的貓咪很識嘆！

2007-01-28T17:35:00.000+08:00

呔爸和我不用上班的日子，不難發覺2貓整日就是在睡，怪不得呔b在凌晨起便一直騷擾我們。呢幾日天氣轉冷，好彩有和暖的陽光中和一下。我家的大帝亦懂嘆世界，一到下晝便跳上我張床享受日光浴(不知平日佢地係咪瞓成日@_@) 望乜野呀，唔抵得咩？呔b好英咁...好似>.<

被tag了--first time

2007-01-26T21:15:00.000+08:00

應Ronnie之"tag"...
遊戲規則﹕將所有愛的問題誠實地答出來﹐不能說某某,所有和不知﹐答完後,請點名8位朋友繼續下去
寫出填寫日期﹕2007 年 1 月 26日
愛的食物﹕M&m牛奶古力、古古力甜品、牛
愛的顏色﹕香賓色、粉色系、橙
愛的休閒﹕看書、整甜品
愛的老師﹕中學的Miss Pang；Ied的李孝聰、張永德；HKU的Professor Max& Agnes
愛的歌手﹕孫燕姿、陳潔儀(唱得之人)、衛蘭、E臣
愛的個性﹕真
愛的口頭蟬﹕any questions? OK? Quiet please....(哈哈!)
愛的小動作﹕"met"指甲
愛的季節﹕夏天
愛過的人﹕爸爸，媽媽，呔爸，妹妹
愛的人(男/女)﹕爸爸，媽媽，呔爸，妹妹，呔b? Milky??
愛的節日：聖誕節
愛的運動﹕太極
愛的定義﹕大家一起時feel comfortable， need not worry what to say nor what to do
愛人的時間﹕一生一世
愛我的人：爸爸,媽媽,呔爸...(我諗應該有唔少掛？！) 呔b? Milky??
我tag了你們: 大C、喵喵、咕嚕、wingwing、Yumi、Tendy ( hohoho....)

給mommy dearest的見面禮

2007-01-21T21:00:00.000+08:00

mommy dearest是一個住在新加坡的cake友，她也是一位很有心的Christian，所以佢今次嚟hk，典都要會一會佢！做咗小小嘢食，希望mommy同其他cake友會中意啦！

栗子撻，超多工序，製作過程烏龍百出，唉...不敢抱太大期望-_-'' 濃味古力cookies，都係first attempt，點講呢.......算啦.....等佢哋試食再講啦！ @@

呀做姨姨，我錫晒你^3^

2007-01-21T20:31:00.000+08:00

Milky：星期五晚媽媽約咗幾個姨姨食晚飯，特登整咗米奇cookies同英式鹹鬆餅過佢哋嘆喎...

d餅餅口擘擘，幾得意架！

典知果晚媽媽攞咗一大堆戰利品返嚟，原來係呀做姨姨送架，最重要係...佢指明係送比我架，hohoho...呔b，你問過本小姐比唔比先至好食！！

後記：

1. 2貓十分中意"福壽膏"，一次過報銷咗兩條，睇呢下次要angel幫我入貨lu...-_-''

2. 驚聞Iris隻大仔Melvin因心臟衰竭於18日離開了我們，才6歲的乖乖...，很難過啊，Melvin可算是我在網絡世界認識的第一隻貓咪(布朗尼是第二)，如今牠們都走了...>.<

希望Iris要振作！Taco&伯母都需要你！

米奇美妮探大家^3^

2007-01-17T20:47:00.000+08:00

下星期又要返學lu，所以趁今個星期考試週，密密整食食！
這套曲奇模在日本買的，只售472yen，約$31.6咋！不過d cookies有d厚有d薄，要多d練習呢！但焗温不平均令餅餅有d淺有d深色-_-''

湯種紅茶吐c

2007-01-14T22:10:00.000+08:00

終於我幫個正方形模開齋啦！第一個製成品係咕嚕推介既湯種紅茶吐c。第一次整--失敗！搓的時候已覺很乾，不出所料，最後發酵只到模的一半，跟着便停濟不前，最後吐c變成又乾又燶的矮仔-_-'' 賽後檢討：原來湯種的水份少了，應該是麵粉的5倍啊！
於是我再接再厲，今次調較好水的份量，搓的時候已覺比上次軟熟得多，最後發酵至9成滿，但焗完仍未到頂，why why???? T___T我兩日後吃剩番果一塊，呵呵，仍是軟的！

開花啦~~

2007-01-06T22:41:00.000+08:00

棵金戔花終於都開花啦，嘻嘻，花很巨形呢！
小鳳仙花花開到好利害@.@
小牽牛呢...葉是長高了又多了新芽，卻仍未有花。你要加油呀！！

咕嚕的禮物+旅行戰利品

2007-01-06T22:23:00.000+08:00

咕嚕真客氣，說要答謝我幫佢買支狼牙棒，所以送給我的食食-- 有美味既scone&錯版黑芝麻牛油酥餅，好味呀！不過d酥餅有少少受了潮啫...
再話說，今次買咗很多野，食食有：帶子、牛奶、正宗x味道杯麵、京都草餅糕點；調理用具：正方形吐c模、米奇cookies模；還有kitty電話繩、備長炭等。今次我竟然買到衫添，有7個items係嚟自Uniqulo福袋呢^3^ 圖解：8掛呔b又想監工！

06日本之旅--食物篇

2007-01-01T18:43:00.000+08:00

哈，出發前新聞話日本爆發利害既洛沃克病，主要是由於進食過受感染的貝殼類海產而致。吓？拱典呢，我一心諗自去勁食嘛....算，一於少理，我唔係去溫泉或不知名既壽司店咪得囉！

於是我地去到邊都食，在車上：到景點，抹茶雪糕、粟米湯、hot coffee是不可少：

重頭戲--1.魚生船 2.神戶牛柳(上)、神戶西冷扒 (下) 3.第二晚食懷石料理(巧多嘢食，仲有2片黑毛牛，yummy！)

06日本之旅--樂園篇

2007-01-01T17:08:00.000+08:00

今次聖誕假又去日本滑雪浸温泉，但這次不再去仙台或北海道，改去較繁榮熱鬧既大板東京，因為我好想玩埋2大樂園--華納環球片場&迪迪尼。行程上有d地方好似：大板城、清水寺、迪迪尼我已於7年前同爸媽去過，不過上次去係summer，今次又係第一次同呔爸去呢樹呢！

本來以為本州相比東北都較暖，不用帶太重型裝備，點知果度大風起呢都好cool，第一日下晝去華納就凍死，好彩間酒店响附近，可以返去打底先至再出戰。

首先講吓第一天：環球片場。
各位真係要買express票，比多2000yen(for4個遊戲)可以優先玩。我地唔知就去排E.T.，典知排咗成粒鐘先至入到塲館，一路就眼白白睇住d持express票既人係咁入，都算啦...典知入到館裏面仲要排一條9曲13彎既path，足足再排多40mins，等到腰骨痛！但express果d排5分鐘一條直路就有得玩！於是呔爸一出去就買express票，嘻，之後d遊戲排一陣就玩得lu！好彩d games都好好玩，如果唔係，我地一早返酒店瞓！(之前我地搭凌晨機，差唔多成晚無瞓，清晨6點幾到大板) 第四天: Disneyland
12月30日撞岩日本人放假，所以...多人到震。我記得上一次去都要排隊，但唔係拱離譜，連咖啡杯都要排45mins！！唉...我地於是只係玩咗space tour同埋同d卡通人物影相就走lu，跟住就搭JR去新宿買野，仲happy呀！~~to be continue~~

新一年啦！

2007-01-01T16:15:00.000+08:00

Happy New Year!!!希望大家身心都健康！

去完日本充電，好開心呀(遲d送上日本之旅^.^)！不過返嚟見到間屋比人攪到...唉...開心指數隨即下跌！

出發啦~~休息五天!!

2006-12-26T17:31:00.000+08:00

我今晚同呔爸出發去日本啦(凌晨2點機)，本站會休息五天，再見大家既時候已是2007年lu！先祝各位新年快樂！！
至於2貓怎辦？貓奴我已重金禮聘咗本人之父母入嚟住，照顧兩位大帝了。

聖誕禮物

2006-12-25T18:18:00.000+08:00

喵喵的cookies，有禮物收呢，呵呵...

有巧多款呢，利害！！Thanks 喵喵!

(與斷線寬頻爭鬥快，爭分奪秒)

Merry Christmas!!!

2006-12-25T18:06:00.000+08:00

各位，聖誕快樂！
個寬頻成日斷線>.<，要27號至整得，果日我都出發咗lu-_-"
同場加送：(巨波一件)

花花的近況--1.金戔花(長高了！)

2. 小鳳仙(又開花^.^)

3. 小牽牛(努力中...)

終於...放假啦^.^

2006-12-21T17:00:00.000+08:00

hohoho...，期待已久既聖假期開始啦!!!
今年比往年實在更需要呢個假，9-12月未停過手：學校轉咗全日制，不但工作時間長，工作量亦較重，d細路又零舍難攪...唉！夜晚又要返u，要交功課時就更可憐...
27號凌晨出發，十分十分興奮，我要反！反！反！

前幾日見到旱見的藍天，不過仍不能清楚見到機場！

送給--12月生日的支支、大俠&劍劍

2006-12-17T22:28:00.000+08:00

12月有好多喜事，除咗多人結婚，仲有好多"人"牛一呀！尋日岩岩去完生日會，今日又有1人+2貓既生日派地丫！今次整乜好呢？sugar姐姐唔食cheese，支支唔可以食古古力，於是我決定整--栗子蛋糕啦！
吱cream吱到手震，同埋仍然會溶(典解呢？出面得13度咋？！)

anyway，今晚好開心，見到大俠同劍劍^3^仲有一班貓友！嘻，下次要去愛德華樹燒海鮮！快d呀，Edward!!!

P.S. 和記寬頻攪乜呀，成日斷線，好煩呀!!!

芙芙&大c的生日聚會

2006-12-16T22:36:00.000+08:00

16/12是一班cake友為奥利芙及貓大c開的生日聚會。除兩位主腳外，出席的有:Mabel, Mabel's fd加菲貓，ter，咕嚕，waiwai，企鵝，wingwing，攪手既喵喵和我。我們去了又一城既EXP吃吃，食物算不錯(我吃了很多呢！)，可惜服務較差，除了四眼妹妹比較像樣，其他能好像聽覺有問題，要企鵝發威先至幫我地執枱，真係企鵝唔發威咪當佢係病鵝至得！

今次個cake係由喵喵操刀，係5星級既特濃古古力蛋膠！真係好yummy丫！(矛帶相機，照片要用wingwing的呢-_-)

今日收到既食食&gift... 左上：利芙送的大大cookie模、左下：咕嚕的個名好長既玉桂乜乜包、右上：Mabel的Brownie+心心cookies、右下：wingwing的千層椰汁榚<--已被呔爸偷食了一件！

加影：大合照

牙痛慘過大病

2006-12-10T14:42:00.000+08:00

痛呀~~~痛屎人啦!!!
我有三隻智慧齒，其中一隻生得很正的已在四年前扙掉，其餘兩隻的牙腳位生得歪歪，如要扙掉便要開刀了，所以我便不理它們。直至半年前，左下方的智慧齒有增生的現象，常常弄傷近腭骨的牙肉，很痛的，最近左上方的智慧齒忽然又再發育，但口腔卻再沒有空間給它們，於是牙床尾的位置便紅紅腫腫，現在連飲水都痛，嗚嗚~~~，我諗真係要快d同佢地say goodbye了！

昨天的話劇比賽輸了，只拿了優異獎。其實也沒所謂，但我覺得其中一個評判的說話傷害學生，有點過份！不過下年我應該不會再帶這校的學生參加這比賽lu...

近來的心情很差，很想出去玩吓！

初冬の2貓

2006-12-02T13:52:00.000+08:00

天氣轉涼了，大家要多穿衣服，小心著涼啊！
Tiger不愧為睡寶，冬天的活動當然也是睡...
呔爸叫我拍呔b海象式睡姿，怎知等我拿了相機，他已變了蒙面超人變身式：
milky在日間是很難拍得好，這相是旱有ok的：(阿女肥咗又靚咗，呵呵，真好！)

P.S.相機有點怪怪，呔爸說要買新的了。好嘢~~

還有，我在學校拿了一盆金戔花苗，同事說很易種，所以咪試吓種lu。我諗住種d花草响露台，裝飾下唔好太齋；而且如果成功的話，就可以除掉我種花必死的惡名！哼！

再嚟--粿麥腸仔包

2006-11-29T21:21:00.000+08:00

今日呔爸又出trip，我嘛當然要encore上次既包包。上一回呔爸趁我返學，竟然偷食咗我作晚餐既包包，可惡！不過佢食完話好食<--巧少有啊，仲食埋另一個小包包添！至於試食既兩位同事都話好食，所以今日我又整囉！好迫！一條蟲+一條辮子！
close up!!--等聽日食^3^