與包包的一段情--上

這是湯種綠茶紅豆包，很香綠茶味又軟熟，十分滿意的作品。湯種，日本語，意為溫熱的麵種，只要把高筋麵粉加水，煮至65c，便成麵種。把湯種加入做麵包的材料，經攪拌、發酵、整形、烤焗，便成湯種麵包。這些包的組織柔軟，放兩三日也可以保持彈性。

對做包有很特別的情意結，可能與自己在整包家族長大有關吧，下次再續！

圖解：這包特別鳴謝cake網網友11提供食譜。

情人節隨想

從來我都不是個浪漫主義者，情人節對我的意義只是家父的牛一，所以每年我家在情人節會開生日派對，買的咭是生日咭。看到街上一雙一對拿著花也不會羨慕...

記得數年前拍拖時，同事時常與男友煲電話粥，我倆嘛除非有要緊事也很少在辦公時間電聯。諗諗吓都覺得自已唔似一個女人：不愛shopping，不喜歡煮飯，不愛打扮，很怕送禮或收禮。記得去年平安夜和呔爸据排，其他一pair pair都互送禮物，我們就只顧一味的吃。忽然我問呔爸："我很不像一個女人。別的女人都會送禮物給男伴，我就甚麼也沒準備，更甚的是我也不期望收到你的禮物"呔爸說："有問題嗎？我們就正是不浪漫的人，大家實事求事不好麼？"

說的也是，幸好我們是同類，雖然我們在人群中是"異類"，但生活卻是很愉快，不需與其他人比較的！

Milky: 祝大家情人節快樂！

朱古力栗子忌廉卷

一向很怕做卷蛋，怕捲的時候問題多多：蛋糕裂啦、黏皮啦、捲得不好...原來蛋糕是成敗的關鍵。
其實呢個cake係聖樹頭蛋糕的變奏，用雪芳蛋糕的方法做，一向不太愛吃西餅的呔爸也十分鍾意。這蛋糕質地較軟熟，容易捲，也不會有黏皮的問題；忌廉加了栗子容，無噤單調，吃多一件也可以。

圖解：濛矓呔B與卷蛋

11/2貓友聚會

尋日貓友之[蝗蟲捕食團]來我家，媽媽特意整左文華美式芝士蛋糕同埋古古力栗子忌廉卷來招呼佢地。佢地有第一次嚟嘅sugar姐姐&salty哥哥，honeymeow，仲有台柱Grace, gigi, angel同遲大到嘅Jennychi。

Tiger: 我'反'到好tired呀，平時都無人會同我'反'拱耐嘅！不過，我覺得佢哋好咸濕，尤其係sugar姐姐，成日摸人哋嘅？！但係佢吔又狂比零食我喎，都唔知嬲佢定愛佢好！

Milky:點解佢哋叫我做 [飄紅]？我之字形行路先至顯出我係幾優雅嘅貓貓，乜佢哋唔曉咩？

呔媽：今次焗cheese cake衰咗，上次用完焗爐唔記得較番上下火，於是頭果30分鐘只係用面火焗咋，wuwuwu...個面燶咗，最後我要'片'起塊燶面再用甜忌廉鋪面至ok咋！

我係呔B

黃家我大少就係本貓0勒。蘇格蘭短毛貓，2003年10月8日生於澳洲。2004年4月8日媽媽養了七年的兔子因年老在家中安詳去世，翌日，爸爸就在寵物店買我回家以陪伴傷心的媽媽。

我得到爸媽悉心照顧，在愛中日漸成長：爸爸陪我玩，媽媽和我傾計，生活過得很寫意！

大家姐

Hello，我叫Milky，蘇格蘭摺耳貓，生於澳洲，2003年10月4日出生。爸媽在我六個月大時接我回家，原來黃宅已有另一隻貓Tiger...唉...我將會同呢隻笨貓開始同居生活lu........
很多人以為我係細妹，其實我大過呔b四日0架！

開張大吉

今日係本站開張日呀， 歡迎光臨！
我希望將呔b、milky的生活點滴，記錄下來，得閒回味一下。
另外，我又可以0係度post我d甜品美食！