朱古力鬆餅

呢款鬆餅好多cake友都整過啦，我都試0下整比好耐無見既中學同學。5個當中有3個已經做0左媽媽lu，好驚第時佢地剩係講仔女經，好彩仲有Marie，唔係都唔知典算！

食譜來自獨角仙http://hompy.netvigator.com/main/page/kin4430?catname=Pastry

第一次~~上輝sir堂

cake友Yumi邀請我報course，我一口答應了。除咗想見吓佢之外，仲有伴陪我去"一直想去又唔敢去"既輝sir樹學餅。

傳聞惡屎又寸爆既輝sir，典解變得客氣咗既？
今次學既係金萬利拔蘭地半圓球古力cake，有好香橙酒味，Yummy!!!

而且又可以學到古力做花花技巧，輝sir有讚我做得唔錯呢(輕描淡寫地)，嘩，好開心呢！仲識到QQ、Alice0209同埋Gloria，可惜無乜機會傾計，希望將來再有機會見啦！
特別嗚謝咕嚕的靚靚相^.^

去吧！合桃兵團^.^

個心籮籮孿又想整合桃牛油蛋糕，整咗一半份量。今次學精啦，用蛋撻模同埋muffin盆承住，就唔怕d糕糕"滾瀉"啦!

無合桃既係呔爸既!

合桃牛油蛋糕

為咗聽日團契去海下旅行，我整咗兩款方便的食食：酸忌廉牛油蛋糕+合桃牛油蛋糕。我曾試過芝C喵喵的酸忌廉cake，濕濕哋又幾香架，最重要係d酸忌廉到期，唔用就徙咗(用成125g!!!)；至於合桃牛油蛋糕，有咕嚕同wingwing推介adaw既食譜，有信心保証呢！不過過程比一般牛油蛋糕多。唔知佢地中唔中意食呢？

初八做呀四&同事的birthday cake

一連兩日我哋屋企都有客人拜年，尋日(25/2)就有呔爸d中學同學嚟。我趁佢哋未到就嗱 嗱聲整個Charolette Aux Fraises預備比我個同事生日食。第一次整呢款cake，佢唔中意cheese&milk，希望d士多啤梨味遮到忌廉味啦！典豬買唔夠士多啤梨，唉.....攪到變晒樣，仲有魚膠唔多夠，好彩都"鯨"到&幾好味啫！下次可加到10g
另外成4點d men終於到咗，呔爸2話不說就叫我煎糕，真係當我係呀四丫??扇！好耐矛揸wak鏟，好彩d gogo買相ok啫！同埋佢哋巧中意我d曲奇，唔....拱又唔同!
後記：
1.聽日27/2又要返學-.-，四月快d嚟啦！
2.做完Agnes份功課，有成個星期做Max果份^.^
3.由於(2)的原固，星期三我可以去阿做佢哋個gathering
4.爸爸狀況穩定
5.我無修Bruce個module，所以嚟緊呢4個星期唔水返U ，史密夫果科係last module勒，就快讀完，yeah!!!
~~~~~真開心，要感恩！<--岩岩份poetry功課領悟到！

A day with my University fds

人日個日約咗幾個U既同學，我預備咗幾款食食過佢哋嘆，！嘻

英式鹹鬆餅，米奇美妮曲奇，栗主兄&咕嚕版NY cheese cake。

話時話，呢隻cheese cake好味喎，唔太漏又滑。不過我矛用拱多cream cheese(成400g！@.@)。下次遇岩豬屎怪就用多d啦！

唏，我呢幾個fd巧婆仔，話咗唔好買嘢嚟，佢地就帶埋一袋2袋嚟。Grace呢盒cookies真係唔捨得食個盒巧高貴.... 罐罐又令令....

好開心過咗一個下午，呔爸仲話我哋傾到連lift口都聽到@.@梗係啦，我地果行d音波功力唔講得少！

再戰古古力"說謊"

上回的古古力chiffon不太成功，有消泡情況。今回的蛋糕好很多，升得高也爆得勁。呔爸試食完也讚好^3^！至於個蛋糕呢？已被同事們消滅了~~ 個邊有點脫皮??

"說謊"蛋糕之綠茶篇

今次再整雪芳蛋糕，用了綠茶粉。升得比上次高，組織也較細密。呔爸很喜歡吃呢^3^！
下次要再整朱古力雪芳蛋糕，睇吓可唔可以克服消泡的問題！

爆得很利害啊！

長高了~~~

歡送會蛋糕

原本應承團契整7、8月的生日會蛋糕，可是因為要搬屋而撞期了。之後收到Anna轉團契的消息(很突然又唔捨得)，所以這兩個蛋糕便變成了歡送蛋糕了。
Anna喜歡吃cheese cake&呀Joe指明要吃綠茶餅(他並不是當月壽星啊！)，所以我整了圖右的綠茶芝士凍餅；另外Fanny想吃一些適合夏日吃的cake，我便整了圖左仳蜜桃乳酪蛋糕了。兩個都是新嘗試呢^.^
undefined

"說謊"蛋糕之朱古力

睇完d jm成日整雪芳蛋糕，自己心思思又想整，於是學大丸去citysuper買咗個雪芳蛋榚模(很貴啊)。整的過程不太煩，只是混合蛋白、古古力漿時很緊張，因為一來怕混不勻，但又怕消泡，wu….終於攪掂！

花之戀

一直好想學吱cream，所以報咗呢堂。學咗吱玫瑰花同花籃，好開心呀！第時整蛋糕就可以多d唔同既裝飾，唔洗一味用生果lu。
不過吱花吱到好累，初時我哋仲一路練，攪到d cream又"鞋"又溶，結果要呀sir再開過d黃色cream呢>.< 之後我唔理三七二十一，吱到差唔多樣就算勒！

媽媽的壽桃

8月9日是媽媽的生日，今日我哋預先同佢慶祝。
好耐無去學整蛋糕勒，但今次見到個cake好可愛，而且應哂境，再加上慕呀sir的名(早就想拜會！)所以我又重出江湖lu！
今日學到好多新嘢：用全蛋法做蛋糕的方法&tips、第一次用杏仁糖膏做裝飾、仲有造型等，真係值回票價！^.^而且望住個桃，眞係忍唔住一邊整，一邊咪咪笑！
個蛋糕裏面係栗子蛋糕，比較難就是造型和裝飾，花咗我好多時間。旁邊的同學覺得d裝飾又唔食得(其實係可以食，不過唔好食啫)，佢覺得好徙，但我好享受製作的過程...
至於家人呢？佢地都中意小桃子，又話好食添，真好！
圖1:未扮靚的小桃子。
圖2：化了妝的小桃子。

爆哂口抹茶芝士蛋糕

整了多次日式芝士蛋糕，忽然想攪攪新意思，於是今次加左抹茶落cheesecake樹，顏色就靚了，但由於材料太多弄到個cake高身左，太近發熱線，wuwuwu...，所以爆左個面 >.<

食後感：唔鍾意cheese味重而又鍾意抹茶的人會喜歡這款蛋糕 我就覺得唔中意cheese既人不如唔好食呢款，食greentea cake咪仲好！

朱屎蛋糕&朱古力栗子忌廉卷

又到考試了！
剛渡過全年最忙的時間，現在剩下來的工作就輕鬆得多了。我答應同事整蛋糕，他們特別order要食cheesecake，好吧，就整日式芝士蛋糕啦！但由於太耐沒有做這款，而且要整8吋，所以有點擔心。
完成後...

當然唔可以少既係朱古力栗子忌廉卷，做法簡單又好食。不過我到焗好蛋糕才發覺家裡原來沒有靚牛油紙，唯有用些品質較差的去卷，所以蛋糕面有些黏皮>.<

古古力春子蛋膠

今日我再次整呢整蛋糕，補祝m0媽生日。我係古古力怪，所以好鐘意呢款蛋膠，不過工序就比較複雜。話說我學整呢款蛋膠既教室Inguldence已經結業lu，其實佢地教得唔錯，可能銅鑼灣租真係大貴啦....
今次唔記得影相，攞返上次果d補數！

朱古力栗子忌廉卷

一向很怕做卷蛋，怕捲的時候問題多多：蛋糕裂啦、黏皮啦、捲得不好...原來蛋糕是成敗的關鍵。
其實呢個cake係聖樹頭蛋糕的變奏，用雪芳蛋糕的方法做，一向不太愛吃西餅的呔爸也十分鍾意。這蛋糕質地較軟熟，容易捲，也不會有黏皮的問題；忌廉加了栗子容，無噤單調，吃多一件也可以。

圖解：濛矓呔B與卷蛋