從來我都不是個浪漫主義者，情人節對我的意義只是家父的牛一，所以每年我家在情人節會開生日派對，買的咭是生日咭。看到街上一雙一對拿著花也不會羨慕...
記得數年前拍拖時，同事時常與男友煲電話粥，我倆嘛除非有要緊事也很少在辦公時間電聯。諗諗吓都覺得自已唔似一個女人：不愛shopping，不喜歡煮飯，不愛打扮，很怕送禮或收禮。記得去年平安夜和呔爸据排，其他一pair pair都互送禮物，我們就只顧一味的吃。忽然我問呔爸："我很不像一個女人。別的女人都會送禮物給男伴，我就甚麼也沒準備，更甚的是我也不期望收到你的禮物"呔爸說："有問題嗎？我們就正是不浪漫的人，大家實事求事不好麼？"
說的也是，幸好我們是同類，雖然我們在人群中是"異類"，但生活卻是很愉快，不需與其他人比較的！
Milky: 祝大家情人節快樂！
7 comments:
黃家二少貓 & 貓小姐...你地好!!小鳳姐家訪你地啦~~祝黃家上上下下身體健康、健康又活潑!!!
情人節以前就會想收花的...但人愈大愈依d野覺得好naive..
情人節不如你送我一個好好玩的貓玩具..要好好玩架喎。咁我就和Sugar仔同金金一齊風流快活好過。
但個貓玩具要好好架喎~~
Ti ma~
你d貓相執哂啦(我只執了覺得靚果d)~
你要唔要番個大size的file?
我放上網果d曬唔到大相的, size細。係for你網上睇only。
要的,我寄番比你定你想點?
看到Tiger&Milky 日漸成長，給你們帶來很多歡樂．我為你們高興．希望你每天都能寫BLOG，讓你能繼續為大家分享快樂的事情．
老夫老妻, 情嘜鬼人節Y!
我都唔想收禮物同送禮物,
人一世流流長, 每年諗送
嘜好都諗到頭都爆! 比 cash 啦!
小鳳姐，
好耐無見，快d call我約時間探呔b啦！
Sugar姐姐，
Of course要相呀，麻煩你寄比我啦(d files會唔會太大呢？)
呀做，
非常同意現金最實際！
秀媚，
多d上嚟啦！P.S.上次見你，覺得你精神好咗，皮膚又靚咗，不過人太多，唔方便讚你，你知啦，好似幫隻product賣廣告^.^
Post a Comment