西貢打邊邊+又再旋風

尋晚同呔爸去咗Edward樹打邊邊，出席既有Edward伉儷，阿做， Honey，Sugar姐姐，小歸子同埋佢隻愛貓"豆貴人"。 可憐既支支頭暈泥唔到(唔知係咪有"好消息"？)，希望佢快d好番啦！首先講吓尋晚見到既5貓：豆貴人對眼真係巧大，哈！可憐豬驚到唔識"yuk"，Edward四千金：Macy好怕人，不過d毛毛巧滑滑；Pansy又係怕人，d眼神好憂怨呢，不過呔爸抱到佢喎，得戚得佢-_-''；Tracy正一PR貓，唉，未停過又為食，成條魚柳比佢食咗差唔多一半，仲有我地可以一睹佢馬桶貓既風采；Daisy就唔知點解怕人怕得咁緊要(Edward係咪虐待佢？)，好難見到四小姐一面呢！
多謝Edward同偉玲既招呼，下次我哋要上天台BBQ啊！
P.S.應承阿做請佢食旋風饅頭，今次整我落多咗10g水，雖然無咁硬，但呔爸話有少少"痴"口，睇呢下次要減番d水份！