再嚟--粿麥腸仔包

今日呔爸又出trip，我嘛當然要encore上次既包包。上一回呔爸趁我返學，竟然偷食咗我作晚餐既包包，可惡！不過佢食完話好食<--巧少有啊，仲食埋另一個小包包添！至於試食既兩位同事都話好食，所以今日我又整囉！ 好迫！一條蟲+一條辮子！
close up!!--等聽日食^3^

粿麥腸仔包

今天又是假期，呵呵，當然要開爐整食食。
這次整喵喵既推介--粿麥包。我用普通腸仔，下次買芝士腸先至用啦。今次係我第一次用粿麥粉，焗的期間已很香了...
今次無整錯辮子！(上次答案：辮子方向錯了。)

加了沙律醬和少許芝士。

攪錯了的辮辮腸仔包

今日呔爸飛了去北京，剩低我地一家三口。我當然趁呢個機會整食食啦！首先特別為咗星期五旅行整咗日式芝士蛋糕，好耐無整了，所以驚驚地，好彩有驚無險。第二樣係新嘗試--辮辮腸仔包。見過喵喵整，覺得好得意，於是又有樣學樣...

入爐先至發覺做錯野，哈哈!你能看得到嗎？-_-''

完成了--呢個己比較好樣了>.<

菠蘿包

呔爸很喜歡吃菠蘿包，我其實早於一年前學過整這款包，只是一直未買食用臭粉，所以直至今天才一試。呔爸的口味很怪，一般人喜歡吃皮是脆卜卜的菠蘿包，可是呔爸喜歡的是"不太脆，皮與包不可分得開的"特別版，他說以前在尖沙咀某茶餐廳吃過，一試難忘云云。
我於是用了Mabel的版本(因為她覺得這皮不太脆)
食評：包包很軟，但呔爸說皮很像合桃酥?!還有他覺得d皮不夠甜(已落了60g糖!)，莫非再要加糖激屎-_-"
還有不知怎的我覺得包包有點鹹?!

喵喵的生日派對~~嘩

cake友喵喵11月2日生日，一班jm今日再佢慶祝，又食又傾，很開心(希望壽星女都開心！)。見到很多大師父：Bees，Ada，酥皮大皇Gigi；想見佢真人好耐既Mabel&呢偷cat；好難想像真人好似18歲既Siuvonvon；成日咪咪笑既郭家廚房掌門人Ronnie&喵喵成日提住既泡泡茶...當然有old fds如貓大c，咕嚕，lalawin；新朋友仔Cindy&"Osim"哈！還有未來新娘子Ronnie's fd；人仔細細但煮得一手好菜既布丁妹；怱怱一現既大丸&Waiwai....巧多人丫總之！

今日有好多美食，掛住傾同食就唔記得影-_-''但係最重要既birthday cakes我就有影！
先嚟Ada個子蛋糕，一個字--勁，睇吓...

可以想像個cake有幾重！呢度只有十分之一，有好多層...

再嚟Gigi的榛子曲奇芝士餅--原本個名好長(好似有英門喎)，but我forget lu，hohoho....
巧味道！
最後一個係奥利芙的覆盆子慕絲餅。攻略：呢個餅好岩最後食，酸酸地矛拱滯，雖然連食三款cake但良心好過d<--自以為！

後記：

1. 太飽了，原本諗住可以同呔爸食夜餐(九點後食)，典知我太高估自己飽受煎熬的胃部， 最後叫呔爸自己call外賣算；

2. 呔爸偷食了Ter整的千層椰汁糕，可惡，我仲未影相！佢話好好味(我諗實係)！另外為食爸爸食完盒乾炒牛河又試口痕，話要食栗子蛋糕，食完就話"不知好味過出面果d幾多！"

抹茶紅豆雙色車輪包

今日跟了咕嚕做這個，最後一次發酵時間不夠(因為趕住出門)，焗的時候放了最下格，又在面加了厚錫紙，結果面色不夠(我諗與吐司模與車輪模高度有關)，要待回家才翻焗，唔，下次要做好d：用車輪模要放中層，那麼色水便均勻得多！
原食譜http://hii-tan.or.tv/index.html
-->宇治...金時
內有詳細插圖添！

面色不夠，發酵時間亦不足，所以不能呈圓柱體。

卷得亦不很好呢！

兩條蟲蟲+一隻腳板

買咗日本南瓜，諗住學大丸同喵喵佢哋整有益既南瓜包，又可以應吓節，點知....
太耐無整包，非常不順利-_-"
1. 南瓜比我想像中多水(蒸完後)，所以加南瓜落麵糰就好濕，搓咗好耐，搞到腰骨又痛番；
2. 包餡好難控制，未試過包d咁濕既餡，d皮勉勉強強先黏得到。
無晒心機，嗚.... 大腳板，wuwuwu....有個底穿穿哋....

呢條蟲蟲算ok勒，另一條爆咗少少腔！慘！慘！慘！

嘻，今日收到既食食^3^

今日諗住去上海街果頭睇吓d包包模(個made in Japan正方形方包模無哂貨)，唔係太岩，哈，典知喵喵話借個車輪包模比我，拱我可以響假期試吓整咕嚕果個綠茶包lu!!(成功咗既一定要請佢哋食)
當然此行既另外目的係攞食食。今次喵喵送咗兩款美食：綠茶紅豆慕絲凍餅+沙律包，沙律包係後加既，好心既喵喵因為見我要1點幾出旺角攞食食，驚我肚餓所以加送的，真令人感動！！
睇吓...

巧令既cake，上面仲有金"薄"添！綠茶紅豆的確係絕配，巧巧食！

沙律包(麥包?)咪睇佢細細個，有巧多料架！呔爸仲同我搶食最後一啖添！

多謝芝c喵喵！

綠茶旋風饅頭

近日有很多人生病了，飲食要特別注意啊！
弄了這款饅頭，明天做早點，也送給正在打仗的同事，希望她早日康復。
試食報告：很特別的味道，但我和呔爸比較喜歡偏椰味的班蘭旋風饅頭！

西貢打邊邊+又再旋風

尋晚同呔爸去咗Edward樹打邊邊，出席既有Edward伉儷，阿做， Honey，Sugar姐姐，小歸子同埋佢隻愛貓"豆貴人"。 可憐既支支頭暈泥唔到(唔知係咪有"好消息"？)，希望佢快d好番啦！首先講吓尋晚見到既5貓：豆貴人對眼真係巧大，哈！可憐豬驚到唔識"yuk"，Edward四千金：Macy好怕人，不過d毛毛巧滑滑；Pansy又係怕人，d眼神好憂怨呢，不過呔爸抱到佢喎，得戚得佢-_-''；Tracy正一PR貓，唉，未停過又為食，成條魚柳比佢食咗差唔多一半，仲有我地可以一睹佢馬桶貓既風采；Daisy就唔知點解怕人怕得咁緊要(Edward係咪虐待佢？)，好難見到四小姐一面呢！
多謝Edward同偉玲既招呼，下次我哋要上天台BBQ啊！
P.S.應承阿做請佢食旋風饅頭，今次整我落多咗10g水，雖然無咁硬，但呔爸話有少少"痴"口，睇呢下次要減番d水份！

近況^.^

禮拜一終於去咗睇醫生，醫生話我精神緊張攪到腸胃敏感同胃膜發炎，症狀係成日會肚痛，肚有很多氣頂住，有時會嘔番d氣出泥，同埋無胃口。食咗藥後個胃好番d，想食野，不過個肚仔仍然唔掂。算啦，e生話要調節做事心態，放鬆d先至得。我今個星期算ok啦，果個肥仔又同人打架，我淨係捉咗另一個避開佢，費事又比佢打親；班學生今個星期好似無咁顛，我又盡量唔勞氣架勒，都唔可以嬲咁多，我點做佢地都有人唔正常既，實在無晒辦法，又唔應該咁擺上心。所以，今個星期我處理壓力算有進步了，同時要多謝關心我既各位姊妹，仲有團契弟兄姊妹既代禱呢！

班蘭旋風饅頭

近來發生很多不如意的事，令到我的情緒很低落。呔爸說，若你不能接受，就要設法去改變它，再自怨自艾也沒用，所以我決定不再坐以待斃，再說，若仍不能改變現況，才考慮離開吧！

減壓的方法當然是整食食。我今次參考了網友Elsa的食譜，初嘗試饅頭。很有趣呢，又不難做，製成品看來不錯，因為很快便被呔爸和我消滅了！

唔知仲捱得幾耐

呢個禮拜可算係我教書生涯最難過的一週，面對學校極之不公平的資源分配、垃圾管理策略、無休止的工作要求，最難頂的是學生：不可愛不特止、還有攻擊性--打同學也會打老師，這很難當作是一間正常的學校！我嘛，也開始不很正常：心理上極度不願意返工，有同事發現我每逢對住自己班，眉頭就不曾放鬆過；生理上呢--偏頭痛整重，反胃，吃不下食物，每早回到學校肚子便抽着痛...很難過！

昨天，我哭了，實在是太辛苦，最惨是看不到事情會有轉機！其他同事也是捱得一日便一日，看看誰先倒下來吧....

昨天，我始終call了一位姊妹為我代禱：工作、未來路向&身體。多謝她的聆聽及代禱！

今天上磅，又輕了一磅，9月至今共3磅，唉.....

Tiger三歲勒~~

今日呔B三歲勒！肥仔呢排缺少媽媽既照顧，肥?咗又悶悶不樂呀，可憐豬！阿仔，如果我唔洗返全日，可以好似以前拱，下晝同你一齊瞓晏覺同傾計，你話...幾好呢...
祝呔B快快樂樂，健康健康！

呔媽我呢就正在忙緊PDES既功課，今次係Language Art，要作1000字detective story+2篇Poem(共300字)+1篇500字既one-act play，屎味！我連中文詩都唔曉作，而家要我作兩首英文千！
幸好，而家只淨番個劇本啫，我應該可以8點前攪掂，呼"

中秋攪作:再戰壽包+第一次冰皮

有假期當然要開工--整野食。首先泥既係上一次整既壽包，上次d質地唔好，非常痴口。今次個皮既表層有膜了，但唔知係咪搓耐咗，個包有d"un"，我諗下次唔洗搓太多了。
岩岩蒸完的pat pat...

馬騮pat pat--唔知點解上色時唔覺太紅，凍咗送比人時紅到發顛！

第二砲：馬騮mimi冰皮月丙初體驗...

材料：7仔買，一套$49

見得吓人的制成品

中秋節快樂^3^

雖然學校發生很多令人難以接受事情，但中秋節正日竟然有假期，就暫且唔諗住啦！
P.S. 尋日係milk琪三歲生日啊！係呢樹補祝大小姐生日快樂
媽媽竟然忙到唔記得，真抵打！ milky：媽媽， 我都矛你咁好氣，眠一眠千！

10.1生日會

今日係我第一次同cake友正式既聚會，為咗慶(補)祝樽樽同未來林太waiwai生日。好開心呀，除咗見到好多jm好似兩位主角外，當然有辛苦既攪手喵喵、鬼馬"大眼"咕嚕、見過幾次面但好似識咗好耐既貓大C、新相識既lalawin&佢個friend Wendy。今次時間好充足，大家可以傾耐d，仲聽到樽樽講既"大驚嚇之廣州變態殺人犯"添！(樽樽記得唔好着紅衫白褲啊>.<)
戲肉當然係送禮物、切蛋糕同交換食食。嘻，滿載而歸呢！至於生日蛋糕係由喵喵操刀既 NY cheese cake，巧耐矛食過lu，巧食^3^！我飽到連晚飯都食少好多，睇泥開學之後唔見咗果兩磅好快會返泥探我！
希望快d再見到大家！

全部收獲+我的黑芝麻小麥胚芽牛油酥餅(右上角, 獻醜了！)

左邊：咕嚕的懶人麵包+餅餅；右邊：lalawin的合桃酥

上：waiwai的兔兔cookies及牛奶包包；下：喵喵的酥酥+酸忌廉牛油蛋糕

同場加演無耐有得睇矛得食既呔b...

孤獨的呔b

自從我返全日，便少了時間陪2貓，除了週一及四要返學外，平日亦要工作至天黑了才回家。可能2貓日間睡飽，又或悶慌了，最近呔b都出現一些變態行為：
1 半夜一時許喪叫
2 半夜三時許跳上床，先跳上我的肚(細力)，立刻再借力跳上呔爸的肚(很大彈力！)。我們稱之為--大跳步！
3 提早一小時(即五時許)叫醒我~.~zzzzz

由於2號問題嚴重，呔爸和我都不止一次告誡呔b別再那樣做，呔b當然不會聽話，結果大前晚，牠又施展牠的大跳步，爸爸終於忍無可忍下第一次打呔b的pat pat, 呔b即刻跳返落地，並呆了望着房門，我心痛屎了, 嗚嗚....，後來呔爸諗住落床呵番佢，佢立即嗲番爸爸！

後來, 我地得出結論: 呔b實在太寂寞了，悶了一整日，我們卻太累未能和牠玩，對於這個特別要爸媽注意和痛錫的孩子，我們真的忽視了牠的需要！tiger，sorry呀，爸媽鍚番，第日點累都同你玩，乖b錫鍚!!

P.S. Milky卻很正常，如常依偎着爸爸一起睇電視！ Tiger：快d陪我玩，就泥悶屎勒！

全日制好襟計~.~

正式實施全日制一星期了，感覺是.......亂+橙。亂是有很多方案都是臨時才訂定，遍地都是"生"讓班主任們去執；橙就是我對住d細佬果然不出所料，吃不下。其實他們巳算乖了，吃飯時大多會專心地吃，不過時間實在太短，減去午休只剩30分鐘吃，我呢......扣除服待他們的時間只餘15分鐘左右，又趕亦吃不安心，所以呢胃就痛起來！唉，所以我決定以後逢星期二及三在午膳後空堂才吃，遲了少許但卻吃得安樂，總算有餐晏仔食>.<

P.S. 今日呔爸的中學同學到訪，特意為他們預備抹茶雪芳蛋糕。原來先溶掉綠茶粉較易及快拌勻(我忘記了，只把綠茶粉與低粉一同加入)，所以這次沒有上次的軟綿綿。

日式菠蘿包--1st attempt

第一次整菠蘿包，做日式係因為唔洗用臭粉(未買)，食譜係跟mabelchong大師父既。爐火猛咗少少，晒燶咗d>.<，下次要較番低温d。
係search食譜過程中，竟然被我發現呔爸中意食既"奄尖廣式菠蘿包"--(d皮唔可以太硬太脆，皮又唔可以與包太分離既廣式菠蘿包)，等呔爸返泥我試吓先！