10.1生日會

今日係我第一次同cake友正式既聚會，為咗慶(補)祝樽樽同未來林太waiwai生日。好開心呀，除咗見到好多jm好似兩位主角外，當然有辛苦既攪手喵喵、鬼馬"大眼"咕嚕、見過幾次面但好似識咗好耐既貓大C、新相識既lalawin&佢個friend Wendy。今次時間好充足，大家可以傾耐d，仲聽到樽樽講既"大驚嚇之廣州變態殺人犯"添！(樽樽記得唔好着紅衫白褲啊>.<)
戲肉當然係送禮物、切蛋糕同交換食食。嘻，滿載而歸呢！至於生日蛋糕係由喵喵操刀既 NY cheese cake，巧耐矛食過lu，巧食^3^！我飽到連晚飯都食少好多，睇泥開學之後唔見咗果兩磅好快會返泥探我！
希望快d再見到大家！

全部收獲+我的黑芝麻小麥胚芽牛油酥餅(右上角, 獻醜了！)

左邊：咕嚕的懶人麵包+餅餅；右邊：lalawin的合桃酥

上：waiwai的兔兔cookies及牛奶包包；下：喵喵的酥酥+酸忌廉牛油蛋糕

同場加演無耐有得睇矛得食既呔b...

孤獨的呔b

自從我返全日，便少了時間陪2貓，除了週一及四要返學外，平日亦要工作至天黑了才回家。可能2貓日間睡飽，又或悶慌了，最近呔b都出現一些變態行為：
1 半夜一時許喪叫
2 半夜三時許跳上床，先跳上我的肚(細力)，立刻再借力跳上呔爸的肚(很大彈力！)。我們稱之為--大跳步！
3 提早一小時(即五時許)叫醒我~.~zzzzz

由於2號問題嚴重，呔爸和我都不止一次告誡呔b別再那樣做，呔b當然不會聽話，結果大前晚，牠又施展牠的大跳步，爸爸終於忍無可忍下第一次打呔b的pat pat, 呔b即刻跳返落地，並呆了望着房門，我心痛屎了, 嗚嗚....，後來呔爸諗住落床呵番佢，佢立即嗲番爸爸！

後來, 我地得出結論: 呔b實在太寂寞了，悶了一整日，我們卻太累未能和牠玩，對於這個特別要爸媽注意和痛錫的孩子，我們真的忽視了牠的需要！tiger，sorry呀，爸媽鍚番，第日點累都同你玩，乖b錫鍚!!

P.S. Milky卻很正常，如常依偎着爸爸一起睇電視！ Tiger：快d陪我玩，就泥悶屎勒！

全日制好襟計~.~

正式實施全日制一星期了，感覺是.......亂+橙。亂是有很多方案都是臨時才訂定，遍地都是"生"讓班主任們去執；橙就是我對住d細佬果然不出所料，吃不下。其實他們巳算乖了，吃飯時大多會專心地吃，不過時間實在太短，減去午休只剩30分鐘吃，我呢......扣除服待他們的時間只餘15分鐘左右，又趕亦吃不安心，所以呢胃就痛起來！唉，所以我決定以後逢星期二及三在午膳後空堂才吃，遲了少許但卻吃得安樂，總算有餐晏仔食>.<

P.S. 今日呔爸的中學同學到訪，特意為他們預備抹茶雪芳蛋糕。原來先溶掉綠茶粉較易及快拌勻(我忘記了，只把綠茶粉與低粉一同加入)，所以這次沒有上次的軟綿綿。

日式菠蘿包--1st attempt

第一次整菠蘿包，做日式係因為唔洗用臭粉(未買)，食譜係跟mabelchong大師父既。爐火猛咗少少，晒燶咗d>.<，下次要較番低温d。
係search食譜過程中，竟然被我發現呔爸中意食既"奄尖廣式菠蘿包"--(d皮唔可以太硬太脆，皮又唔可以與包太分離既廣式菠蘿包)，等呔爸返泥我試吓先！

唔經唔覺半個月

報告一下近況千：班務很多，零碎但不難解决；學生雖然頑皮，但在我掌握之中(感謝主)；同事相處ok，大部份下午校同事都很nice；老細--情緒不穩，有點muk憎，不過少咗見佢，矛所謂；學校制度--唔到last minute都唔confirm，貫切"朝令夕改"既精种，我地d"執生"既小宇宙升至高峰...

預告：下週起全日制。我在九月份要對住班學生食午飯，可以預計我又會變瘦d！再見了，半日制， I'll miss you forever~~

感想：唔知以後會唔會好累，所以我已經提早少許睡，希望會好些。另外，全日制的優點是週六唔需要返工，很好呢！可以有足夠時間休息，又可以在週末整cake食~p:

很麻煩的手指>.<

已忘記在何時弄傷右手食指，近兩個月又痛起來。e生說它不會好的，因手指常會動，只能等它慢慢不痛，不過，它也可能再痛起來，嗚~嗚~真煩啊！

再戰古古力"說謊"

上回的古古力chiffon不太成功，有消泡情況。今回的蛋糕好很多，升得高也爆得勁。呔爸試食完也讚好^3^！至於個蛋糕呢？已被同事們消滅了~~ 個邊有點脫皮??

休息數天

右手的食指受傷了，打字及寫字均十分不便，最要命就是連整蛋糕或包包也要暫停，wuwuwu...
包紮了的手指很像大根--日本人對蘿蔔的稱呼，哈！(可惜沒有影相)

喵喵encore!!

原來我上次收咗wai99既"喵糞"同埋脆餅淨係掛住食，唔記得影相, wuwu...
尋日又收到喵喵既食食.不過今次唔係郵寄，係我親自攞嫁。諗諗吓點好意思麻煩喵喵~~
今次係合桃"喵糞"+雲呢拿酸忌廉牛油蛋糕。"喵糞"好足料，好味道；至於喵喵擔心唔好食既蛋糕，唔係丫，我覺得好味喎：好香雲呢拿味，蛋糕又比一般牛油蛋糕軟熟，而且茅咁散呢，只係唔覺有sour cream味之麻，好食啦總之！
雲呢拿酸忌廉牛油蛋糕
合桃"喵糞"

超級混亂開課日

昨晚睡得不錯，至少沒有發惡夢。今天提早少許返學，還有足夠的時閒嘆昨天整的包包(不用叮也還軟熟呢！)。
學校真的很亂，竟然有兩位同事在沒有通知的情況下掉了座位、通告又不一次派發，派通告時又同時間練歸程隊，真不知應做哪一件事？！放學又要開會，辛苦了一天還要餓着肚子開會至兩點！真是人都被弄瘋了！！
今日讓我見識到一些新(舊同事、新合作)同事的面目：說話尖酸刻薄、沒有禮貌、愛理不理等！走著瞧，我們老細的處事作風是不容他們撒野的，他們這種工作態度實在不要得！另外希望今天受了委屈的同事能快快平復心情，下星期再嚟過！

牛油卷

再一次整，用新的酵母做，果然麵糰發得比上一次大。明天就有包包做早餐了!
P.S. 今天是假期最後一天，呔爸叫我不要倒數日子，免得心情被破壞，浪費了美好的一天。所以，今天我也是很悠閒地過，tomorrow? Tomorrow is another day!!! 排排坐，等入爐

睇真d!

"說謊"蛋糕之綠茶篇

今次再整雪芳蛋糕，用了綠茶粉。升得比上次高，組織也較細密。呔爸很喜歡吃呢^3^！
下次要再整朱古力雪芳蛋糕，睇吓可唔可以克服消泡的問題！

爆得很利害啊！

長高了~~~

新機、新包

因為有很多jm話買部食物處理器可以搓粉，只需90秒，不需用力又省時間，就可以把麵糰拿去作第一次發酵。想吃/整多些自家製包包，而又不想令右手腕再受勞損的我，這部機真起了很大幫助！

製成品：發得不夠大，原來是因酵母不太活躍...要買新的了！

它的內心世界。^3^

cake友的饋贈

第一次試食到cake友的手勢，d野食還是千里迢迢寄過來的，很感動啊！多謝芝C喵喵！！

盒內藏兩款喵喵的作品，左上角是燕麥曲奇、右上角是檸檬牛油蛋榚，下面則是大贈品--梅糖兩粒！呔爸在晚飯後，竟然很快拆了燕麥曲奇來吃(平時又唔見佢咁捧場>.<)！燕麥曲奇的味道很好，可惜受了點潮，但仍好吃！0檬蛋糕有很香的0味，減了牛油的油膩感，也令人很回味！！

第一次試到別人的手勢，感覺很特別、很好玩！.唔...我諗我都會試吓寄我整d野食比其他人試試先！

呵呵呵！返來囉！

攪咗成個禮拜既網頁問題，終於解決了！哈！
特別鳴謝舊同事 S先生，Thank you very much!!!!
原來我轉咗用和記寬頻，可能有d野撞咗(唔識解釋！)，而delete Temporary Internet Files就解決好！好嘢！萬歲！

歡送會蛋糕

原本應承團契整7、8月的生日會蛋糕，可是因為要搬屋而撞期了。之後收到Anna轉團契的消息(很突然又唔捨得)，所以這兩個蛋糕便變成了歡送蛋糕了。
Anna喜歡吃cheese cake&呀Joe指明要吃綠茶餅(他並不是當月壽星啊！)，所以我整了圖右的綠茶芝士凍餅；另外Fanny想吃一些適合夏日吃的cake，我便整了圖左仳蜜桃乳酪蛋糕了。兩個都是新嘗試呢^.^
undefined

開工勒~~唉

終於開會lu，一睇個課擔表，今年度教兩班五年級英文，其實那些學生中有些我曾教過的，所以也不太憂慮，但和我合作的兩位主任就….唉，來年相信會有很多家長投訢要我這個班主任去解決了！
看來這一年學校會很亂，有很多關於全日制的安排還沒有訂案啊！

"說謊"蛋糕之朱古力

睇完d jm成日整雪芳蛋糕，自己心思思又想整，於是學大丸去citysuper買咗個雪芳蛋榚模(很貴啊)。整的過程不太煩，只是混合蛋白、古古力漿時很緊張，因為一來怕混不勻，但又怕消泡，wu….終於攪掂！

看不到

個網short咗，post唔到message!!!!

搬了新家

終於上到網lu(但係唔知點解成日話網頁發生錯誤！)，其實上星期日我哋已經還原間屋，典知由於pccw寬頻跟舊屋電話線，新屋個和記又要18號至裝，wuwu....所以無得上網，而家又唔知典解update唔到個blog，好煩呀！
講返d貓千：tiger同milky已無樹勒。其實佢哋都搬慣屋，而且呢間屋d格局同舊屋一模一樣，完全無適應問題，只係一放佢哋，兩隻野周圍去揩味啫！(我哋係用搬屋紙皮箱運佢地過去新屋嫁！)
今次搬得近，有好多野我哋都預先搬過去，又快手快腳還原，所以今次都算舒服lu！
不過藉得一提的，珀麗灣搬屋好煩，因為早上10時才可入島，而且只可停2小時，過時就要加錢。我哋係屋A搬去同邨屋B，典知佢地管理公司沒有double 我哋搬屋時間，即我哋需要每個單位交一次搬屋申請，所以由於我地唔知情，搬咗3個多小時，佢哋就話我超時，結果罰咗$180！！激氣！>_<

花之戀

一直好想學吱cream，所以報咗呢堂。學咗吱玫瑰花同花籃，好開心呀！第時整蛋糕就可以多d唔同既裝飾，唔洗一味用生果lu。
不過吱花吱到好累，初時我哋仲一路練，攪到d cream又"鞋"又溶，結果要呀sir再開過d黃色cream呢>.< 之後我唔理三七二十一，吱到差唔多樣就算勒！

仲有兩日

星期六搬新屋，今日裝咗燈。嘩，我們至發覺飯廳果支燈好巨型，算啦，由於係拱，兩幅畫要放係廳果度lu。
今日打掃了全屋一次(好累了)，0聽日就pack野勒，希望平安順利啦！

媽媽的壽桃

8月9日是媽媽的生日，今日我哋預先同佢慶祝。
好耐無去學整蛋糕勒，但今次見到個cake好可愛，而且應哂境，再加上慕呀sir的名(早就想拜會！)所以我又重出江湖lu！
今日學到好多新嘢：用全蛋法做蛋糕的方法&tips、第一次用杏仁糖膏做裝飾、仲有造型等，真係值回票價！^.^而且望住個桃，眞係忍唔住一邊整，一邊咪咪笑！
個蛋糕裏面係栗子蛋糕，比較難就是造型和裝飾，花咗我好多時間。旁邊的同學覺得d裝飾又唔食得(其實係可以食，不過唔好食啫)，佢覺得好徙，但我好享受製作的過程...
至於家人呢？佢地都中意小桃子，又話好食添，真好！
圖1:未扮靚的小桃子。
圖2：化了妝的小桃子。

珍惜

milky：tiger，快看！
tiger：有什麽好看？
milky：笨小子，我們快(又)要搬家了，當然要好好欣賞這兒的景色，好作回憶！
tiger：回憶甚麼，媽媽已早說，新家和這兒的座向是一樣的，只是樓層和座數不同吧，即我們看到的風景是一樣的，儍米！

呔媽：請不要問我為甚麼又搬家，我實在不知怎樣解釋，若大家想知原因，請問呔爸吧！

How many cats can you see?

無獎問答遊戲：請問大家看到多少隻貓咪？

籠屋居民

呔b：大家不要以為我呔b在家的地位很高，其實我只不過是一個蟻民，只可以窩在一角小睡...
你看，這麼少的空間，怎樣可以轉身？

呔媽：呔b，做貓也要知足，我們的家巳算大了....

不過你也不用愁，我們快要搬去一間大一點的新家啊！

呔b：嘩，萬歲！可以多很多空間給我們衰跑了，kekeke..

呔媽：呀，忘了告訢你，新家只比舊家大了2呎，大家也要清理一下雜物...

呔b：吓？2呎....

爆哂口抹茶芝士蛋糕

整了多次日式芝士蛋糕，忽然想攪攪新意思，於是今次加左抹茶落cheesecake樹，顏色就靚了，但由於材料太多弄到個cake高身左，太近發熱線，wuwuwu...，所以爆左個面 >.<

食後感：唔鍾意cheese味重而又鍾意抹茶的人會喜歡這款蛋糕 我就覺得唔中意cheese既人不如唔好食呢款，食greentea cake咪仲好！

七一貓友會

好開心，"大熱天打邊邊"已於昨天順利舉行。在此特別鳴謝angel同grace，佢地負起買食物既重任；又要多謝gigi，佢幫手洗野切野食，原本佢係食物部部長，典知尋日既大遊行令佢被困南區，真可憐！
尋日除咗以上三位功臣外，仲有sugar姐姐salty哥哥，honeymeow，Helina，靚yan&fans，仲有沈默寡言既占哥添，多謝賞面及手信。

後記：呔b尋日心情唔alright，成日咬人，連媽媽都咬。後來我吔諗，之前我掛住0係廚房，爸爸又未返，可能呔b無安全感先至會有咁既異常行為@@呔b，爸媽呵番！

好嬲呀！！慘呀！！

英格蘭....出局勒！雖然佢哋踢得唔係好好，對瑞典果場直情係悶，但係...fans.....見到自己一直捧開果隊四強止步....嗚嗚....一定唔會開心0架0勒！

實在太過份勒，個球証見到葡萄牙球員上半場0係禁區犯手球唔吹罰、唔比牌，到下半場Arron Lennon比人0係禁區鈎跌又無十二碼，個球証應該唔好出糧比佢就arm！

至於C朗拿度，下年你不如轉會啦，再0係曼聯踢？我驚你比d英格蘭球迷打
-_-！

收購失敗

上回講到，呔爸睇中咗隻英短。於是我哋就議決進行收購行動：張羅竉物籠、打聽哪一隻幼貓糧好、幼貓與成貓相處，餵食方法等。到了週四，我call支支，怎知便收到第一個不利因素。她說"藍蕃薯"d貓表面不錯，但d職員會幫無噤精神或者病既貓打針，她就親眼見過有人因買了的貓貓病了而要退貓，很慘呢！
接著，我與呔爸抱着一試的心情，諗住買咗貓就帶佢做哂body check，如果無樹就好，有樹都無法啦，正所謂：[得就得，唔得就忽得]，到果時無辦法惟有退貓。
黃昏時出去葵芳，典知唔見咗隻貓，咪問個sale佢去咗邊，個儍吓儍吓既sale話賣咗。吓，無係呀fa？呔爸之前果晚仲見到佢，佢仲好似認得呔爸千。我再追問個儍sale幾時既事，佢話今朝賣咗囉喎。
後來，我哋食完飯就再去睇吓，有另一個醒d既sale話貓貓連同另一隻都好活潑既貓咪比人一次過買咗。
雖然有d失落，但係我吔深信唔係自己既野咪由得佢囉，唔需要強求！至於貓貓，希望主人會愛錫你啦！

多一隻？

最近呔爸睇中咗一隻豹紋英短，五個月大，個樣有d似gigi隻圈圈，眼大大0架！佢d表情好似呔b呢^.^.....我0地正在考慮中...好快會有結果勒！
請大家密切留意啊！

朱屎蛋糕&朱古力栗子忌廉卷

又到考試了！
剛渡過全年最忙的時間，現在剩下來的工作就輕鬆得多了。我答應同事整蛋糕，他們特別order要食cheesecake，好吧，就整日式芝士蛋糕啦！但由於太耐沒有做這款，而且要整8吋，所以有點擔心。
完成後...

當然唔可以少既係朱古力栗子忌廉卷，做法簡單又好食。不過我到焗好蛋糕才發覺家裡原來沒有靚牛油紙，唯有用些品質較差的去卷，所以蛋糕面有些黏皮>.<

爸媽的生日

呔b：六月是我家的大日子，除了有令爸媽唔洗瞓嘅World Cup之外，仲係佢地既生日呢！我特別祝爸媽生日快樂！
讓我送他們一個反拱"潮"
呔爸：我想Mit屎你...(肉緊中)

現在的小孩真難教>,<

上星期二值日時又有學生失控了，發狂的向同學潑水，我當然立刻制止他，叫他冷靜下來，可是他還一直向同學潑水，弄得地也濕了。他的水用盡了，還想用水樽擲向同學，由於我按住他，他便一直掙扎，怎知地下太滑，我便跌倒了>.<，事情發展太快了，我也不理自己，想快點令他平靜過來便算，幸好有兩位熱心同事過來幫忙，事情總算平息....後來發現我兩邊膝蓋內側及兩個腳跟位置瘀了四大片....唉............

後話：
1. 那失控學生原來被同班同學侮辱(大小的問題--你們自己想想吧)，所以如此嬲，之後又向我道歉，所以我便原諒他；
2. 其實發生事故的地點並非我當值的地方，只是事出突然，我也不理了；不過那位應該處理這事的同事卻在不遠處目睹事件也不來增援，扮作睇唔倒，真是太過份了!!!!!SHAME ON HER!!!!

睡姿--地點篇

我家的二貓睡姿各有不同：
1號Milky: 喜歡睡在乾淨的衣服上或地氈上，尤其是在毛巾上；有時會睡在書房的黑色大班椅上。近來卻離奇地會睡在地板上。
2號Tiger: 無論任何地方也可以睡，浴室地上、綱琴上、走廊上做攔路貓... 還會物盡其用的找地方托頭，擱大腳....
你們的貓咪又如何？

毒癮害貓~~千祈唔好試

Milky: 我已經厭了普通的毛毛球.............

但對玩到nut哂毛既蛋糕就.........(失儀地流口水)

呔媽無聊之作二~~~~

無聊

Milky: Tiger, 好悶呀，有乜攪作？
Tiger: 仲洗問，梗係來過覺覺豬好啦！ Milky: 我就知道你最土，趁著媽媽唔得閒，我地就應呢個革命--玩大佢！
Tiger: Zzz...... Milky: 你....一早睇你就是沒出息，我去wet勒....
Tiger: (忽然剎有介事般)嗱，我一早都話milk琪平時扮乖啦，無人睇住果陣，佢咪變身做飛女囉。哼，最純品都係我...0騎！0騎！

呔媽無聊之作~~~

的起心乾

話說早前我做咗個脂肪測試，結果竟然是我偏肥；我一向都覺得我不肥，頂多d肉唔firm啫，為此我很在意。當然之後我和安琪傾過，發現那兒的磅是偏重的：說我56kg!!!而且幫我度高的姐姐矮過我，因此佢睇唔清楚又無啦啦講矮咗我，得番165cm，有無攪錯？！
我最肥的時候也沒有這麼重@.@不過，由於我體弱，這次經歷正好叫我--不想肥、不想病，就快運動吧！

於是趁著尋日假期，我和呔爸去Club度游水，今天呢就打掃了一整天，又唔比自己開冷氣，出了一身汗，好爽呀！剛才照鏡，發覺d bye-bye肉好似firm咗d......

五一洗白白日

實在對兩貓的"立chee chee"毛毛到達忍無可忍的地步，但之前的天氣不是太冷就是太濕，不宜幫貓洗澡，直到今天，終於等到天時、地利、人和了！
首先是Tiger沖，唔...他在整過過程都非常合作，除了加了不少音效，及最後回頭罵媽媽及摑了我耳光外(這隻大可惡！)...
接着是milky，不用說，她的淒厲哭聲不斷，在吸毛時還用後腿抓了爸爸幾道血痕(原來我幫呔b剪指甲，卻忘了milky-_-)...對不起，難為了爸爸！
大戰過後，我倆已累死了，而兩貓就快樂地吃他們的大餐！
圖解：出浴後的二貓。Milky:望咩呀，貓地都未裝完身！

攝影比賽...輸了-_-

珀記在今午舉行pet pet同樂日，我參加了竉物攝影比賽。我和呔爸特別挑選上次Jess幫呔b及milky影的相去參賽，呔爸滿有信心，因為他說去年攞獎的相質數不高，所以我們對勝出抱很大希望...
今天放學做完工作後，我便立刻乘船返家。到了廣場，找到攝影展版，見到兩張可愛的英短相：

接著看到得獎的展板...依，不見啊？！負責人說所有的作品都會展出，那呔b的相在哪？

終於我在第一牌展板的後面，看到呔b他們的照片。老實說，我真的覺得jess影呔b & milky影得好靚，連d毛呀鬚呀都清清楚楚：

不過，得獎貓貓的爸媽都讚呔b他們得意，唔...算數啦！ 圖解：冠軍的作品
呔bmilk琪，無論你哋攞唔攞到獎，你哋喺爸媽心目中都係雙冠軍!!!

好嘢，屙得出勒！

期待已久嘅呔b屎屎，終於喺星期一凌晨"出世"嘞！
果晚呔b比之前幾日精神d，又再無露出橙橙的表情，我諗佢可能會屙到。果然經過一次試屙後就嚟真嘅。^.^從未試過鏟屎鏟得噤高興！

另外，唔知點解個blog前晚upload唔到??? 攪咗好耐都唔得，咪唔理佢囉。哈，今日又樹無樹 lu！

呔b今朝屙咗四粒柿

報告：
1. 呔b好似(應該)0係早上6:45屙咗四粒柿
2. 餵佢食咗吐毛膏兩次；呔b照樣瞓得、食得、玩得！
3. 呔嗎情緒低至谷低 -___-

雖然呔b的情況比honeymeow隻太后娘娘好得多了，但身為媽媽的，
面對貓貓病了，無論是大病or小病，都叫人擔心不已！

大件事，呔b屙唔出柿....

死啦，已經心情唔靚，而家呔b仲屙唔出柿柿，點算呀？！
但係佢食得又玩得，我諗住睇定d再決定帶佢去睇e生...
呔b，你要比心機屙，幾臭既柿媽媽都好願意幫你執架！@.@

情緒低落

唔知典解，自從呔爸話(又)買樓後，我就唔係好enjoy勒。雖然$是有賺，不過對過慣流浪生活的我，"搬屋"仍是件煩事。
好啦，仲有兩日假期，等我出去玩吓散吓心先！

鮮奶撻

今日整咗呔爸既至愛，佢食咗3個呀！！
呔爸d口味好麻煩，就係唔可以太甜，又唔鍾意cheese&cream，瑞士卷都好，蛋撻鮮奶撻就最like，選擇唔多，想用食物引佢一d都唔易！

復活節貓友聚會

期待已久既五貓聚會已於15號在支支家舉行了。果日正一係人才仔仔，連yanyan有成17個人5隻貓呀，場面墟堪。除咗愛德華排除萬難出到席外，連小小兄都泥到，所以有好多靚相睇囉。
卡弟一如以往都係passive d lee埋，而欣宜圈呢唔知係咪太多人，玩得無噤顛，不過我同小歸子早到，所以都同0左肥圈反0左一陣lu....
大俠就好乖，無打貓，又無嬲爆爆，有90分啦；Whisky就威勒，千萬寵愛在一身，乖乖一團咁囉；臭屁就橙橙勒，怕生保，成日lee埋，攪到我都唔捨得打打佢！
果日仲識到新貓友s打，佢d豆莎餅好好食。我都有整過，好麻煩嫁，要逐塊煎，難得佢噤好心機，抵錫！
至於我就應sugar姐姐既建議，整咗羊豬露凍餅。真係好驚會好似上年整果個唔凝固拱，好彩都算成功啦今次，仲學人整咗個鏡面千！

呔b，兩年勒))))

記得在獸醫話波仔"He will die very soon"之後，一方面我要接受這個事實，另一方面，我和呔爸商量下次會養甚麼動物，呔爸偏向想養狗，但因我們沒有養狗的經驗，所以仍不能下決定。

直至一年多後，波啤真的離開我了，我難過得不得了。剛巧那數天又是Easter，呔爸便和行街散散心，他又提出養狗的建議，但我仍猶疑不決。直到行至荃灣一pet shop，呔爸看見呔b，就隨口說：貓嘛，我喜歡這一種毛色！我一看見tiger就喜歡他了，他那笨笨無知樣可愛得不得了，當下過了一頓晚飯的時間便買了tiger及一切需用品。從不知貓可以這樣貴的，但呔爸覺得沒所謂，那就算了。

tiger這名字是呔爸改的，說他毛色像老虎阿....

唔經唔覺，呔b已同我地相處0左兩年lu。佢分享我地既快樂，陪住我喊(雖然只有布朗尼果次)，亦會每天不辭勞苦拱做佢貓肉鬧鐘，真係一隻窩心既貓咪 希望呔b都能健健康康，快快樂樂拱過日子！

Tiger: 玩得味呀？

波啤，我的乖兒子！

2004年4月9月，波仔(波啤)離開我走了。佢陪伴我渡過人生最難捱果段日子，儘管如此，我哋既關係很密切，雖然佢只係一隻兔子，佢好明白媽媽所受的痛苦。不過已七歲的他，算是高齡了，連醫生都說他隨時會去(那時波啤只有六歲)，我們算賺了一年了。

在前一夜，我如常放他出籠跑動，但他不願吃糧，直到我們要睡了，平時一叫便會自動歸籠的波啤，怎樣也不肯回籠，最後要我推他才十分不情願回去，其實當時我已有不祥的預感。就在第二天早上11時半，波啤在無病痛下叫了數聲(兔子很少會發出聲音的)，仿佛和我說再見，之後咽下最後一口氣永遠地離開我了....

直到今天，我雖然有tiger和milky兩隻活寶，但我仍很想念你，波仔！

P.S. 沒有波仔的數碼相，但由小至大我卻有為他拍下不少照片，我可以用相作懷念，但欲不能放上來讓大家看，抱歉！

古古力春子蛋膠

今日我再次整呢整蛋糕，補祝m0媽生日。我係古古力怪，所以好鐘意呢款蛋膠，不過工序就比較複雜。話說我學整呢款蛋膠既教室Inguldence已經結業lu，其實佢地教得唔錯，可能銅鑼灣租真係大貴啦....
今次唔記得影相，攞返上次果d補數！

momo兄，誰與爭峰！

今日終於有幸一見momo&砌砌。奶油色既砌砌很可愛，而momo呢就.....好肥美，四隻腳仔又短，真係骨格精奇，呔b都要企理一邊^.^
b chi又大過咗，識行路又無噤怕人，好好玩！mo媽整既凍冰冰醉雞好arm依家天時食，攪到我都好想試整吓！
返到屋企，呔b佢哋發達啦，是關Angel幫我哋響日本訂d貨到咗，佢仲親自山長水遠拱帶比我，好緊洞呀，wuwuwu....話說回來，呔b同milky好鐘意d閃閃毛毛棒，尤其係呔b，佢仲表現失傳己久既空中大飛撲千.....可惜我果架機影唔到，真失敗！
呔b：喂milky，你唔洗望勒，佢係我既！