兩條蟲蟲+一隻腳板

買咗日本南瓜，諗住學大丸同喵喵佢哋整有益既南瓜包，又可以應吓節，點知....
太耐無整包，非常不順利-_-"
1. 南瓜比我想像中多水(蒸完後)，所以加南瓜落麵糰就好濕，搓咗好耐，搞到腰骨又痛番；
2. 包餡好難控制，未試過包d咁濕既餡，d皮勉勉強強先黏得到。
無晒心機，嗚.... 大腳板，wuwuwu....有個底穿穿哋....

呢條蟲蟲算ok勒，另一條爆咗少少腔！慘！慘！慘！

嘻，今日收到既食食^3^

今日諗住去上海街果頭睇吓d包包模(個made in Japan正方形方包模無哂貨)，唔係太岩，哈，典知喵喵話借個車輪包模比我，拱我可以響假期試吓整咕嚕果個綠茶包lu!!(成功咗既一定要請佢哋食)
當然此行既另外目的係攞食食。今次喵喵送咗兩款美食：綠茶紅豆慕絲凍餅+沙律包，沙律包係後加既，好心既喵喵因為見我要1點幾出旺角攞食食，驚我肚餓所以加送的，真令人感動！！
睇吓...

巧令既cake，上面仲有金"薄"添！綠茶紅豆的確係絕配，巧巧食！

沙律包(麥包?)咪睇佢細細個，有巧多料架！呔爸仲同我搶食最後一啖添！

多謝芝c喵喵！

綠茶旋風饅頭

近日有很多人生病了，飲食要特別注意啊！
弄了這款饅頭，明天做早點，也送給正在打仗的同事，希望她早日康復。
試食報告：很特別的味道，但我和呔爸比較喜歡偏椰味的班蘭旋風饅頭！

西貢打邊邊+又再旋風

尋晚同呔爸去咗Edward樹打邊邊，出席既有Edward伉儷，阿做， Honey，Sugar姐姐，小歸子同埋佢隻愛貓"豆貴人"。 可憐既支支頭暈泥唔到(唔知係咪有"好消息"？)，希望佢快d好番啦！首先講吓尋晚見到既5貓：豆貴人對眼真係巧大，哈！可憐豬驚到唔識"yuk"，Edward四千金：Macy好怕人，不過d毛毛巧滑滑；Pansy又係怕人，d眼神好憂怨呢，不過呔爸抱到佢喎，得戚得佢-_-''；Tracy正一PR貓，唉，未停過又為食，成條魚柳比佢食咗差唔多一半，仲有我地可以一睹佢馬桶貓既風采；Daisy就唔知點解怕人怕得咁緊要(Edward係咪虐待佢？)，好難見到四小姐一面呢！
多謝Edward同偉玲既招呼，下次我哋要上天台BBQ啊！
P.S.應承阿做請佢食旋風饅頭，今次整我落多咗10g水，雖然無咁硬，但呔爸話有少少"痴"口，睇呢下次要減番d水份！

近況^.^

禮拜一終於去咗睇醫生，醫生話我精神緊張攪到腸胃敏感同胃膜發炎，症狀係成日會肚痛，肚有很多氣頂住，有時會嘔番d氣出泥，同埋無胃口。食咗藥後個胃好番d，想食野，不過個肚仔仍然唔掂。算啦，e生話要調節做事心態，放鬆d先至得。我今個星期算ok啦，果個肥仔又同人打架，我淨係捉咗另一個避開佢，費事又比佢打親；班學生今個星期好似無咁顛，我又盡量唔勞氣架勒，都唔可以嬲咁多，我點做佢地都有人唔正常既，實在無晒辦法，又唔應該咁擺上心。所以，今個星期我處理壓力算有進步了，同時要多謝關心我既各位姊妹，仲有團契弟兄姊妹既代禱呢！

班蘭旋風饅頭

近來發生很多不如意的事，令到我的情緒很低落。呔爸說，若你不能接受，就要設法去改變它，再自怨自艾也沒用，所以我決定不再坐以待斃，再說，若仍不能改變現況，才考慮離開吧！

減壓的方法當然是整食食。我今次參考了網友Elsa的食譜，初嘗試饅頭。很有趣呢，又不難做，製成品看來不錯，因為很快便被呔爸和我消滅了！

唔知仲捱得幾耐

呢個禮拜可算係我教書生涯最難過的一週，面對學校極之不公平的資源分配、垃圾管理策略、無休止的工作要求，最難頂的是學生：不可愛不特止、還有攻擊性--打同學也會打老師，這很難當作是一間正常的學校！我嘛，也開始不很正常：心理上極度不願意返工，有同事發現我每逢對住自己班，眉頭就不曾放鬆過；生理上呢--偏頭痛整重，反胃，吃不下食物，每早回到學校肚子便抽着痛...很難過！

昨天，我哭了，實在是太辛苦，最惨是看不到事情會有轉機！其他同事也是捱得一日便一日，看看誰先倒下來吧....

昨天，我始終call了一位姊妹為我代禱：工作、未來路向&身體。多謝她的聆聽及代禱！

今天上磅，又輕了一磅，9月至今共3磅，唉.....

Tiger三歲勒~~

今日呔B三歲勒！肥仔呢排缺少媽媽既照顧，肥?咗又悶悶不樂呀，可憐豬！阿仔，如果我唔洗返全日，可以好似以前拱，下晝同你一齊瞓晏覺同傾計，你話...幾好呢...
祝呔B快快樂樂，健康健康！

呔媽我呢就正在忙緊PDES既功課，今次係Language Art，要作1000字detective story+2篇Poem(共300字)+1篇500字既one-act play，屎味！我連中文詩都唔曉作，而家要我作兩首英文千！
幸好，而家只淨番個劇本啫，我應該可以8點前攪掂，呼"

中秋攪作:再戰壽包+第一次冰皮

有假期當然要開工--整野食。首先泥既係上一次整既壽包，上次d質地唔好，非常痴口。今次個皮既表層有膜了，但唔知係咪搓耐咗，個包有d"un"，我諗下次唔洗搓太多了。
岩岩蒸完的pat pat...

馬騮pat pat--唔知點解上色時唔覺太紅，凍咗送比人時紅到發顛！

第二砲：馬騮mimi冰皮月丙初體驗...

材料：7仔買，一套$49

見得吓人的制成品

中秋節快樂^3^

雖然學校發生很多令人難以接受事情，但中秋節正日竟然有假期，就暫且唔諗住啦！
P.S. 尋日係milk琪三歲生日啊！係呢樹補祝大小姐生日快樂
媽媽竟然忙到唔記得，真抵打！ milky：媽媽， 我都矛你咁好氣，眠一眠千！

10.1生日會

今日係我第一次同cake友正式既聚會，為咗慶(補)祝樽樽同未來林太waiwai生日。好開心呀，除咗見到好多jm好似兩位主角外，當然有辛苦既攪手喵喵、鬼馬"大眼"咕嚕、見過幾次面但好似識咗好耐既貓大C、新相識既lalawin&佢個friend Wendy。今次時間好充足，大家可以傾耐d，仲聽到樽樽講既"大驚嚇之廣州變態殺人犯"添！(樽樽記得唔好着紅衫白褲啊>.<)
戲肉當然係送禮物、切蛋糕同交換食食。嘻，滿載而歸呢！至於生日蛋糕係由喵喵操刀既 NY cheese cake，巧耐矛食過lu，巧食^3^！我飽到連晚飯都食少好多，睇泥開學之後唔見咗果兩磅好快會返泥探我！
希望快d再見到大家！

全部收獲+我的黑芝麻小麥胚芽牛油酥餅(右上角, 獻醜了！)

左邊：咕嚕的懶人麵包+餅餅；右邊：lalawin的合桃酥

上：waiwai的兔兔cookies及牛奶包包；下：喵喵的酥酥+酸忌廉牛油蛋糕

同場加演無耐有得睇矛得食既呔b...

孤獨的呔b

自從我返全日，便少了時間陪2貓，除了週一及四要返學外，平日亦要工作至天黑了才回家。可能2貓日間睡飽，又或悶慌了，最近呔b都出現一些變態行為：
1 半夜一時許喪叫
2 半夜三時許跳上床，先跳上我的肚(細力)，立刻再借力跳上呔爸的肚(很大彈力！)。我們稱之為--大跳步！
3 提早一小時(即五時許)叫醒我~.~zzzzz

由於2號問題嚴重，呔爸和我都不止一次告誡呔b別再那樣做，呔b當然不會聽話，結果大前晚，牠又施展牠的大跳步，爸爸終於忍無可忍下第一次打呔b的pat pat, 呔b即刻跳返落地，並呆了望着房門，我心痛屎了, 嗚嗚....，後來呔爸諗住落床呵番佢，佢立即嗲番爸爸！

後來, 我地得出結論: 呔b實在太寂寞了，悶了一整日，我們卻太累未能和牠玩，對於這個特別要爸媽注意和痛錫的孩子，我們真的忽視了牠的需要！tiger，sorry呀，爸媽鍚番，第日點累都同你玩，乖b錫鍚!!

P.S. Milky卻很正常，如常依偎着爸爸一起睇電視！ Tiger：快d陪我玩，就泥悶屎勒！

全日制好襟計~.~

正式實施全日制一星期了，感覺是.......亂+橙。亂是有很多方案都是臨時才訂定，遍地都是"生"讓班主任們去執；橙就是我對住d細佬果然不出所料，吃不下。其實他們巳算乖了，吃飯時大多會專心地吃，不過時間實在太短，減去午休只剩30分鐘吃，我呢......扣除服待他們的時間只餘15分鐘左右，又趕亦吃不安心，所以呢胃就痛起來！唉，所以我決定以後逢星期二及三在午膳後空堂才吃，遲了少許但卻吃得安樂，總算有餐晏仔食>.<

P.S. 今日呔爸的中學同學到訪，特意為他們預備抹茶雪芳蛋糕。原來先溶掉綠茶粉較易及快拌勻(我忘記了，只把綠茶粉與低粉一同加入)，所以這次沒有上次的軟綿綿。

日式菠蘿包--1st attempt

第一次整菠蘿包，做日式係因為唔洗用臭粉(未買)，食譜係跟mabelchong大師父既。爐火猛咗少少，晒燶咗d>.<，下次要較番低温d。
係search食譜過程中，竟然被我發現呔爸中意食既"奄尖廣式菠蘿包"--(d皮唔可以太硬太脆，皮又唔可以與包太分離既廣式菠蘿包)，等呔爸返泥我試吓先！

唔經唔覺半個月

報告一下近況千：班務很多，零碎但不難解决；學生雖然頑皮，但在我掌握之中(感謝主)；同事相處ok，大部份下午校同事都很nice；老細--情緒不穩，有點muk憎，不過少咗見佢，矛所謂；學校制度--唔到last minute都唔confirm，貫切"朝令夕改"既精种，我地d"執生"既小宇宙升至高峰...

預告：下週起全日制。我在九月份要對住班學生食午飯，可以預計我又會變瘦d！再見了，半日制， I'll miss you forever~~

感想：唔知以後會唔會好累，所以我已經提早少許睡，希望會好些。另外，全日制的優點是週六唔需要返工，很好呢！可以有足夠時間休息，又可以在週末整cake食~p:

很麻煩的手指>.<

已忘記在何時弄傷右手食指，近兩個月又痛起來。e生說它不會好的，因手指常會動，只能等它慢慢不痛，不過，它也可能再痛起來，嗚~嗚~真煩啊！

再戰古古力"說謊"

上回的古古力chiffon不太成功，有消泡情況。今回的蛋糕好很多，升得高也爆得勁。呔爸試食完也讚好^3^！至於個蛋糕呢？已被同事們消滅了~~ 個邊有點脫皮??

休息數天

右手的食指受傷了，打字及寫字均十分不便，最要命就是連整蛋糕或包包也要暫停，wuwuwu...
包紮了的手指很像大根--日本人對蘿蔔的稱呼，哈！(可惜沒有影相)

喵喵encore!!

原來我上次收咗wai99既"喵糞"同埋脆餅淨係掛住食，唔記得影相, wuwu...
尋日又收到喵喵既食食.不過今次唔係郵寄，係我親自攞嫁。諗諗吓點好意思麻煩喵喵~~
今次係合桃"喵糞"+雲呢拿酸忌廉牛油蛋糕。"喵糞"好足料，好味道；至於喵喵擔心唔好食既蛋糕，唔係丫，我覺得好味喎：好香雲呢拿味，蛋糕又比一般牛油蛋糕軟熟，而且茅咁散呢，只係唔覺有sour cream味之麻，好食啦總之！
雲呢拿酸忌廉牛油蛋糕
合桃"喵糞"

超級混亂開課日

昨晚睡得不錯，至少沒有發惡夢。今天提早少許返學，還有足夠的時閒嘆昨天整的包包(不用叮也還軟熟呢！)。
學校真的很亂，竟然有兩位同事在沒有通知的情況下掉了座位、通告又不一次派發，派通告時又同時間練歸程隊，真不知應做哪一件事？！放學又要開會，辛苦了一天還要餓着肚子開會至兩點！真是人都被弄瘋了！！
今日讓我見識到一些新(舊同事、新合作)同事的面目：說話尖酸刻薄、沒有禮貌、愛理不理等！走著瞧，我們老細的處事作風是不容他們撒野的，他們這種工作態度實在不要得！另外希望今天受了委屈的同事能快快平復心情，下星期再嚟過！

牛油卷

再一次整，用新的酵母做，果然麵糰發得比上一次大。明天就有包包做早餐了!
P.S. 今天是假期最後一天，呔爸叫我不要倒數日子，免得心情被破壞，浪費了美好的一天。所以，今天我也是很悠閒地過，tomorrow? Tomorrow is another day!!! 排排坐，等入爐

睇真d!

"說謊"蛋糕之綠茶篇

今次再整雪芳蛋糕，用了綠茶粉。升得比上次高，組織也較細密。呔爸很喜歡吃呢^3^！
下次要再整朱古力雪芳蛋糕，睇吓可唔可以克服消泡的問題！

爆得很利害啊！

長高了~~~

新機、新包

因為有很多jm話買部食物處理器可以搓粉，只需90秒，不需用力又省時間，就可以把麵糰拿去作第一次發酵。想吃/整多些自家製包包，而又不想令右手腕再受勞損的我，這部機真起了很大幫助！

製成品：發得不夠大，原來是因酵母不太活躍...要買新的了！

它的內心世界。^3^

cake友的饋贈

第一次試食到cake友的手勢，d野食還是千里迢迢寄過來的，很感動啊！多謝芝C喵喵！！

盒內藏兩款喵喵的作品，左上角是燕麥曲奇、右上角是檸檬牛油蛋榚，下面則是大贈品--梅糖兩粒！呔爸在晚飯後，竟然很快拆了燕麥曲奇來吃(平時又唔見佢咁捧場>.<)！燕麥曲奇的味道很好，可惜受了點潮，但仍好吃！0檬蛋糕有很香的0味，減了牛油的油膩感，也令人很回味！！

第一次試到別人的手勢，感覺很特別、很好玩！.唔...我諗我都會試吓寄我整d野食比其他人試試先！

呵呵呵！返來囉！

攪咗成個禮拜既網頁問題，終於解決了！哈！
特別鳴謝舊同事 S先生，Thank you very much!!!!
原來我轉咗用和記寬頻，可能有d野撞咗(唔識解釋！)，而delete Temporary Internet Files就解決好！好嘢！萬歲！

歡送會蛋糕

原本應承團契整7、8月的生日會蛋糕，可是因為要搬屋而撞期了。之後收到Anna轉團契的消息(很突然又唔捨得)，所以這兩個蛋糕便變成了歡送蛋糕了。
Anna喜歡吃cheese cake&呀Joe指明要吃綠茶餅(他並不是當月壽星啊！)，所以我整了圖右的綠茶芝士凍餅；另外Fanny想吃一些適合夏日吃的cake，我便整了圖左仳蜜桃乳酪蛋糕了。兩個都是新嘗試呢^.^
undefined

開工勒~~唉

終於開會lu，一睇個課擔表，今年度教兩班五年級英文，其實那些學生中有些我曾教過的，所以也不太憂慮，但和我合作的兩位主任就….唉，來年相信會有很多家長投訢要我這個班主任去解決了！
看來這一年學校會很亂，有很多關於全日制的安排還沒有訂案啊！

"說謊"蛋糕之朱古力

睇完d jm成日整雪芳蛋糕，自己心思思又想整，於是學大丸去citysuper買咗個雪芳蛋榚模(很貴啊)。整的過程不太煩，只是混合蛋白、古古力漿時很緊張，因為一來怕混不勻，但又怕消泡，wu….終於攪掂！

看不到

個網short咗，post唔到message!!!!

搬了新家

終於上到網lu(但係唔知點解成日話網頁發生錯誤！)，其實上星期日我哋已經還原間屋，典知由於pccw寬頻跟舊屋電話線，新屋個和記又要18號至裝，wuwu....所以無得上網，而家又唔知典解update唔到個blog，好煩呀！
講返d貓千：tiger同milky已無樹勒。其實佢哋都搬慣屋，而且呢間屋d格局同舊屋一模一樣，完全無適應問題，只係一放佢哋，兩隻野周圍去揩味啫！(我哋係用搬屋紙皮箱運佢地過去新屋嫁！)
今次搬得近，有好多野我哋都預先搬過去，又快手快腳還原，所以今次都算舒服lu！
不過藉得一提的，珀麗灣搬屋好煩，因為早上10時才可入島，而且只可停2小時，過時就要加錢。我哋係屋A搬去同邨屋B，典知佢地管理公司沒有double 我哋搬屋時間，即我哋需要每個單位交一次搬屋申請，所以由於我地唔知情，搬咗3個多小時，佢哋就話我超時，結果罰咗$180！！激氣！>_<

花之戀

一直好想學吱cream，所以報咗呢堂。學咗吱玫瑰花同花籃，好開心呀！第時整蛋糕就可以多d唔同既裝飾，唔洗一味用生果lu。
不過吱花吱到好累，初時我哋仲一路練，攪到d cream又"鞋"又溶，結果要呀sir再開過d黃色cream呢>.< 之後我唔理三七二十一，吱到差唔多樣就算勒！

仲有兩日

星期六搬新屋，今日裝咗燈。嘩，我們至發覺飯廳果支燈好巨型，算啦，由於係拱，兩幅畫要放係廳果度lu。
今日打掃了全屋一次(好累了)，0聽日就pack野勒，希望平安順利啦！

媽媽的壽桃

8月9日是媽媽的生日，今日我哋預先同佢慶祝。
好耐無去學整蛋糕勒，但今次見到個cake好可愛，而且應哂境，再加上慕呀sir的名(早就想拜會！)所以我又重出江湖lu！
今日學到好多新嘢：用全蛋法做蛋糕的方法&tips、第一次用杏仁糖膏做裝飾、仲有造型等，真係值回票價！^.^而且望住個桃，眞係忍唔住一邊整，一邊咪咪笑！
個蛋糕裏面係栗子蛋糕，比較難就是造型和裝飾，花咗我好多時間。旁邊的同學覺得d裝飾又唔食得(其實係可以食，不過唔好食啫)，佢覺得好徙，但我好享受製作的過程...
至於家人呢？佢地都中意小桃子，又話好食添，真好！
圖1:未扮靚的小桃子。
圖2：化了妝的小桃子。

珍惜

milky：tiger，快看！
tiger：有什麽好看？
milky：笨小子，我們快(又)要搬家了，當然要好好欣賞這兒的景色，好作回憶！
tiger：回憶甚麼，媽媽已早說，新家和這兒的座向是一樣的，只是樓層和座數不同吧，即我們看到的風景是一樣的，儍米！

呔媽：請不要問我為甚麼又搬家，我實在不知怎樣解釋，若大家想知原因，請問呔爸吧！

How many cats can you see?

無獎問答遊戲：請問大家看到多少隻貓咪？

籠屋居民

呔b：大家不要以為我呔b在家的地位很高，其實我只不過是一個蟻民，只可以窩在一角小睡...
你看，這麼少的空間，怎樣可以轉身？

呔媽：呔b，做貓也要知足，我們的家巳算大了....

不過你也不用愁，我們快要搬去一間大一點的新家啊！

呔b：嘩，萬歲！可以多很多空間給我們衰跑了，kekeke..

呔媽：呀，忘了告訢你，新家只比舊家大了2呎，大家也要清理一下雜物...

呔b：吓？2呎....